Cili është ndryshimi i Pashkëve Ortodokse nga ato katolike ?

Besimtarët ortodoksë festojnë të dielën një nga festat më të rëndësishme siç janë Pashkët.

I ftuar në “ABC e Mëngjesit”, teologu Miron Cako tregoi nga ndryshojnë Pashkët Ortodokse nga ato Katolike.

Sipas tij, i vetmi ndryshim është kalendarik me 13 ditë nga njëra-tjetra.

“Ka disa që thonë se katolikët kanë besuar më shpejt se ortodoksët. Po ky është një lajm i gabuar se kanë besuar njësoj. Më 1582, kalendari Gregorian u fut nga kisha katolike, ndërsa ortoksët kalendarin Julian. Ça ndodhi? Ndryshojnë vetëm me 13 ditë dhe asgjë tjetër.

Është vetëm çështje kalendarike dhe kaq, ndryshojnë ritualet por thelbi është i njëjtë, krishti u ngjall”, u shpreh teologu.

Nga ana tjetër në një lidhje me Skype nga Korça, At Spiro Katundi, prift pranë Mitropolisë, ndau pak nga atmosfera në atë qytet. Ai u shpreh se organizimi është perfekt dhe ndër më të mëdhenjt në Ballkan.

“Pashka është simboli i të gjitha festave në Korçë. Sot kemi varrimin e Krishtit dhe kemi epitafin dhe është një organizim perfekt. Ndër më të mëdhenjt në Ballkan. Ne përpiqemi të jemi pranë me shërbesat gjatë gjithë kësaj kohe deri në ditën e madhe.

Nesër kemi darkën dhe fillon ceremonia e ringjalljes. Në orën 2 dalim jashtë dhe lexohet fjala. Në pamundësi për të qenë në të gjitha fshatrat, ne ndahemi me nga dy dhe shkojmë në mënyrë që edhe ata të kenë mundësi të ndjejnë më pranë këtë ditë”, tha prifti./abcnews.al