Johnny Depp prej 8 ditësh është kthyer në qendër të vëmendjes për shkak të padisë që ai i ka bërë ish-gruas së tij, Amber Heard, të cilën e akuzonë për shpifje. Kjo e fundit pretendon se Depp e ka dhunuar fizikisht dhe seksualisht.

Mirëpo, gjatë këtyre ditëve shumë dëshmi dhe detaje të reja po dalin në dritë dhe duket se Amber Heard është dhunuesja dhe abuzuesja e Johnny Depp, megjithatë detaje po ashtu të rënda kanë dalë edhe për Johnny Depp, privatësia e të cilit duket se tashmë po serviret plotësisht në gjyq.

Kur Amber Heard shkroi esenë e saj në “Washington Post”, Johnny Depp u pushua nga çdo projekt filmik. Dior ishte kompania e vetme që vijoi të bashkëpunonte me aktorin.

‘The Independent’ shkruan se “Dior ka qenë i zgjuar. Në një kohë kur shumë të famshëm bërtasin “anuloni kulturën!” sa herë që kritikohen ose thirren të japin llogari për komentet ose sjelljen e tyre, ekipi i Dior duket se e pranon se polemika mund të nxisë shitjet.”

Dior jo vetëm ruajtën bashkëpunimin me Depp-in por publikuan edhe reklama të reja. A u anulua Dior? A u tërhoq Sauvage nga tregu? Jo. Shitjet e parfumit  u rritën. Sidomos gjatë kësaj periudhe që gjyqi transmetohet çdo ditë në “Court Tv”.

Hashtag-u #JusticeforJohnny, që ka qenë aktiv që kur Heard pretendoi se ishte sulmuar fizikisht dhe seksualisht nga Depp, tregoi forcën e ndjenjave të fansave. Ata falënderuan Dior për besnikërinë e markës ndaj Depp. Madje është bërë virale në rrjetet sociale që shumë fansat të aktorit blejnë parfumin në shenjë mbështetje për Johnny Depp.

Në sallën e gjyqit, Depp ka mbështetur mbështetjen e fansave të tij, duke thënë: “Qëllimi im është e vërteta, sepse më vrau që të gjithë këta njerëz që kisha takuar ndër vite… se këta njerëz do të mendonin se unë isha një mashtrues”.

Depp u takua me Heardin gjatë xhirmeve në “The Rum Diaries”, një adaptim i një romani nga Hunter S Thompson.