Kemi të bëjmë me një parti shtet që përmbyset me front opozitar.

Kryetari i PD-së Sali Berisha u dha mesazhe të qarta kryetarëve të degëve PD-së për veprimet që duhet të ndërmerren për të dalë nga kjo situatë që ai e quan më të vështirë se në 1991.

Sali Berisha: ”Duhet të krijojmë me shpejtësi frontin opozitar. Ne jemi në situatë absolutisht shumë më të vështirë sesa në 1991 kur ra komunizmi. Në 1991 komunizmi nuk ra në Shqipëri por ra fillimisht në Europë. Ne i dhamë shtytjen atij, por sot kemi një regjim monist. Sot të gjitha pushtetet janë në duart e një njeriu Edi Ramës

Berisha tha se ishin vetëm ata që mund të rrëzonin pushtetin e Ramës i cili është më i rrezikshëm dhe bëri një paralelizëm mes viteve 1991 dhe 2022

Sali Berisha: “Askush nuk do të angazhohet për rrëzmin e këtij pushtetit përveç nesh. Nëse presim se do të na vijnë ndihma ne mashtrojmë e gënjejmë veten tonë. Para syve tanë u instalua pushteti total i PS-së. Atëherë komunizmi u bë i urryer por sot kemi problem madhor se brezi i ri duhet të lexojë për monizmin dhe të vendosë që t’i përvishet. Kjo është problem. Duhet të punojmë shumë. Këtu ka marrë fund Kushtetuta. Jemi në emergjencë kombëtare.

Sali Berisha: “Rama vazhdon edhe sot me dy tre individe i merr si përfaqësues të opozitës për turpin e tij për të dëshmuar se është pinjoll një bastard i bllokmenëve hoxhistë dhe u thotë shqiptarëve se Bordet janë komunistë por janë të mira. Sot kemi 44 mijë luftëtarë. Këta kërkojnë motivim dhe mobilizim. Kërkohet me çdo kusht të zgjerojmë frontin. Kemi të bëjmë me një parti shtet që përmbyset me front opozitar. Kjo është jetike për ne. Dhe duhet të ecim drejt krijimit të tij në rang kombëtar.Edi Rama për demokracinë është armiku më i rrezikshëm pas Enver Hoxhës.