Justin Timberlake dëshiron të jetë me Jessica Biel deri në fund të jetës dhe nuk ka frikë t’ia shprehë këtë dëshirë publikisht. Çifti i lumtur festoi 10 vjet martesë të mërkurën dhe ndau në Instagram një galeri fotosh nga dekada e fundit.

“10 vjet nuk mjaftojnë!” ka shkruar Timberlake krahas fotove dhe videove. “Ti më bën burrë dhe baba më të mirë çdo ditë! Të dua shumë o njeri i bukur! Kthim pas në kohë!”

Biel e ripostoi dedikimin sentimental në Story-n saj në Instagram.

Timberlake dhe Biel, të cilët u martuan në vitin 2012, kanë pasur edhe ulje-ngritje gjatë martesës së tyre dhjetëvjeçare – përfshirë kur Timberlake u kap duke u mbajtur për dore me kolegen Alisha Wainwright në nëntor 2019.

Një nga pikat e ulëta të mundshme të marrëdhënies së çiftit erdhi vitin e kaluar kur Timberlake u detyrua t’i kërkonte falje publike ish-të dashurës Britney Spears dhe Janet Jackson pasi doli dokumentari “Framing Britney Spears”. Filmi, i cili u prodhua nga New York Times, sugjeroi se Timberlake luajti një rol të madh në dëmtimin e karrierave të të dyja grave – duke i shtyrë përdoruesit e mediave sociale ta kritikonin ashpër atë në internet.

Biel qëndroi në krah të burrit të saj mes reagimit të ashpër dhe dyshja u duk se ia dolën më mirë se kurrë.

Çifti ka dy djem: Silas, 7 vjeç dhe Phineas, 2 vjeç.