Udhëtimet e Ramës me charter/ S’e di nëse ia nxori Veliaj apo Homland-i!

Udhëtimet e Ramës me charter/ Berisha: Superkandal, të dorëhiqet para protestës! S’e di nëse ia nxori Veliaj apo Homland-i!

Kreu i PD Sali Berisha i kërkoi kryeministrit Edi Rama të japë dorëheqjen para protestës qytetare. 

Ai i konsideroi superskandal faktin që Edi Rama ka kryer qindra udhëtime me charter.

Ndër të tjera kryedemokrati tha: “Ia nxori Homeland apo Erion Veliaj ky është problem tjetër, s’ka asnjë rëndësi për mua.

Ky është dokumenti i abuzimit më të madh pas djegësve të këtij njeriu”.Shqipëria po zien nga zemërimi dhe revolta e qytetarëve të saj, e bizneseve të vogla, të cilët presin në ankth të madh të nesërmen, për të shkak të lukunisë së taksidarëve që është derdhur mbi ta, po zien në çdo familje shqiptare, për shkak të çmimeve të papërballueshme të produkteve bazë të jetesës. Po zien tek çdo i ri, që sheh te Edi Rama një shpresëvrasës dhe ëndërrvrasës.

Po zien te çdo pensionist që qan me lotët e ftohta e mjerimit sepse nuk siguron kafshatën dhe nuk blen dot ilaçet me pensionin e tij.

Po zien te qindra mijëra punonjës në këtë vend, që me pagën mizerabël që marrin, nuk përballojnë dot as gjysmën e muajit”.Rama ka humbur çdo lloj lidhje dhe ndjeshmërie më këtë vend.

Ai si asnjë kryeministër tjetër i Europës dhe botës 137 udhëtime me avionë-taksi. Në 8 vite në mandatin e tij, Presidenti SHBA-ve Bush ka udhëtuar me Air Force One 74 herë, gjysmën e Edi Ramës. Air Force One s’është përdorur kurrë për weekend-e, udhëtime boshe, etj. Është një çmenduri që tejkalon çdo lloj imagjinate.

Kancelari i Austrisë, nuk e lejon veten të udhëtojë me charter por udhëton me linjë tregtare. Edi Rama me 137 udhëtimet e tij vajtje-ardhje me charter, 54 i ka kryer para themelimit të ‘Air Albania’.

Pra ka marrë nga kompanitë e charter-ave avionë-taksi në dispozicion të zotërisë së tij. Të gjitha fluturimet e tjera Rama i ka bërë përsëri me avion-taksi, me Ismailin e apasionuar që e do shumë ai, dhe flet sikur i ka mbirë në kopshtin e Surrelit. Ismaili është një aeroplan dhuratë siç thotë ai e Presidentit Erdogan, por karburantit, parkingun, rrogat e pilotëve, stjuardesave që shkojnë të paktën 150 mijë euro në udhëtim, i paguajnë baballarët e atyre që kalojnë La Manshin”.