Përditshmëria shpeshherë mund të jetë e mbushur me angazhime dhe kjo bën që të mos i kushtoni shumë vëmendje mënyrës se si jetoni. Por më poshtë janë pesë zakone të vogla ditore që shkenca tregon se mund t’ju ndihmojnë të gëzoni një shëndet më të mirë fizik dhe mendor.

Jepini përparësi gjumit

Të jesh pa gjumë është si të presësh që telefoni yt të funksionojë gjatë gjithë ditës me një bateri 12%. Trupi juaj ka nevojë për kohë jo vetëm për të pushuar dhe për të marrë energji, por edhe për të bërë punë të rëndësishme si për të mësuar gjëra të reja dhe për të forcuar kujtimet. Të rriturit duhet të kenë të paktën 7 orë gjumë çdo natë. Orari i fjetjes dhe i zgjimit në të njëjtën orë çdo ditë do t’ju ndihmojë të jeni më të relaksuar.

Ec më shumë

Nisja e një shëtitje rrit shëndetin tuaj fizik dhe mendor, kështu që ky duhet të jetë një aktivitet i përditshëm. Në planin fizik, ecja e rregullt mbështet sistemin tuaj imunitar, redukton dhimbjet e kyçeve dhe e bën më të lehtë ruajtjen e një peshe të shëndetshme. Ecja sipas shkencës shërben për të luftuar edhe simptomat e depresionit ose ankthit.

Lexoni për 30 minuta

Nëse ndiheni të stresuar, hapni një libër. Një studim zbuloi se një gjysmë ore leximi mund të ketë të njëjtin efekt kundër stresit, të njëjtë me burimet e njohura të qetësisë, si joga dhe humori.

Meditoni

Meditimi është një tjetër reduktues i stresit dhe përforcues i shëndetit mendor. Fillimi i meditimit mund të jetë aq i thjeshtë sa të bësh pak lexim mbi të dhe të vendosësh një kohëmatës për 5 minuta çdo ditë.

Kaloni kohë në natyrë

Hyrja në natyrë mund të na ndihmojë të qetësojmë veten. Në fakt, një grup kërkimesh zbuluan se koha në natyrë mund të përmirësojë njohuritë tona dhe rrit hapësirën e vëmendjes. Kjo sjell një rrezik më të ulët të sëmundjeve mendore. Ideale është të synoni për hapësira të gjelbra (si një pyll) ose blu (si trupat e ujit), gjatë kohës që jeni jashtë.