Paris Hilton ka folur për herë të parë për abortin e saj. Teksa fliste për rëndësinë e përdorimit të platformës së saj për të mbështetur të drejtat riprodhuese të grave, Hilton foli për vendimin e saj për të ndërprerë një shtatzëni për të cilën ajo “nuk ishte gati” në fillim të të 20-ave.

“Kjo ishte diçka për të cilën nuk doja të flisja” tha Hilton në një intervistë për Glamour UK. “Unë isha fëmijë dhe nuk isha gati për këtë”.

Ajo u ndje e detyruar të përdorte ndikimin e saj dhe të fliste pas vendimit të Gjykatës së Lartë në SHBA e cila rrëzoi ligjin që u jepte grave të drejtën për abort në çdo shtet.

“Unë mendoj se është e rëndësishme. Ka kaq shumë politikë rreth saj, por është trupi i një gruaje… Pse duhet të ketë një ligj të bazuar në këtë? Është trupi juaj, zgjedhja juaj dhe unë vërtet besoj në këtë”.

Hilton u bë nënë këtë vit, duke njoftuar lindjen e fëmijës së saj të parë, nëpërmjet një nëne surrogate, muajin e kaluar me bashkëshortin Carter Reum. Ata më vonë njoftuan se e quajtën djalin e tyre Phoenix Barron.