Mëngjesi është vakti më i rëndësishëm i ditës, sipas nutricionistëve. Në fund të fundit, këtu hidhen themelet për pjesën tjetër të ditës sonë dhe çdo gabim mund të na ndjekë gjatë gjithë ditës…

Nëse keni tendencë të hani mëngjes sepse e dini se duhet të hani diçka, a jeni i sigurt që po konsumoni ushqimet e duhura? Sigurisht që duhet të shijojmë një vakt kur zgjohemi, por duhet të respektojmë edhe disa rregulla! Nëse marrim shumë kalori ose shumë pak, kjo do të ndikojë në sjelljen tonë të të ngrënit gjatë gjithë ditës.

Ne kemi mbledhur për ju gabimet më të shpeshta që të gjithë pak a shumë i bëjnë dhe në vend që të na dobësojnë, na shëndoshin.

Karbohidrate të plota
Përbërësit tanë më të preferuar për mëngjes, petullat, krepat, bagels, bukë, briosh, që janë plot me karbohidrate. Dhe në fakt, ato përmbajnë të ashtuquajturat karbohidrate të këqija, të cilat na shëndoshin dhe nuk krijojnë ndjenjën e ngopjes, duke sjellë si pasojë të kemi uri shumë më shpejt seç duhet. Që mëngjesi të jetë i balancuar, ai duhet të përmbajë proteina (p.sh. proshutë gjeldeti ose pule, me pak yndyrë) dhe yndyra të mira (p.sh. arra).

Ushqimi në makinë
Nëse e keni zakon të keq të hani rrugës për në zyrë, atëherë ushqimin e konsumoni me ndalesa si pasojë e vozitjes, dhe është pothuajse e sigurt që do të hani më shumë. Nëse ushqimin e blini nga jashtë, atëherë rriten shanset që ai të jetë kalorik dhe të të shëndoshë.

Kujdes nga lëngjet dhe smoothies
Frutat janë shumë të shëndetshme, por përmbajnë shumë sheqer. Mirëpo është padyshim më mirë të hani fruta sesa të pini një lëng, veçanërisht nëse ai lëng është i paketuar. Lëngjet e paketuara kanë shumë konservues dhe shumë sheqer, ndaj nuk janë zgjidhja më e mirë për mëngjes apo për çdo moment tjetër të ditës.

Hani shumë herët në mëngjes
Nëse jeni një person që zgjoheni shumë herët, atëherë është mirë të mos hani menjëherë pasi të zgjoheni, pasi është e sigurt që do të jeni të uritur shumë herët në mëngjes dhe shumë përpara drekës.

Nuk pini ujë
Uji është elementi i nevojshëm për të nisur siç duhet ditën tonë, ndërkohë që aktivizon metabolizmin, krijon ndjenjën e ngopjes dhe gjithashtu kontribuon në humbjen e peshës. Shumë prej nesh harrojnë të pinë ujë, veçanërisht në muajt e dimrit dhe kjo nuk është e mirë për funksionimin e përgjithshëm të trupit tonë.

Gjumi i dobët
Nuk ka të bëjë me dietën, por lidhet indirekt me të. Hulumtimet kanë treguar se gjumi i dobët është i lidhur me çrregullimet e të ngrënit dhe obezitetin, kështu që kushdo që fle mjaftueshëm është gati të shijojë një mëngjes të duhur dhe të shëndetshëm.