Teknologjia vitet e fundit ka marrë një zhvillim të vrullshëm që dashur- padashur nuk shmanget dot. Të rriturit, por edhe fëmijët që në mosha të vogla janë shumë të ekspozuar ndaj saj.

Përveç aspekteve pozitive që lidhen me informacionin në kohë të shpejtë apo komunikimin në distancë, teknologjia shoqërohet edhe me aspekte negative që lidhen me shëndetin.

Problemi me shikimin është bërë tepër i zakonshëm. Disa njerëz, si zgjidhje të kësaj problematike në vend të syzeve përdorin lentet e kontaktit. Jo vetëm për komoditet, por edhe për dukje estetike.

Sipas ekspertëve lentet e kontaktit janë një zgjedhje perfekte, për aq kohë sa përdoren në mënyrën e duhur. Nëse përdoren në mënyrë jo të duhet, bëhen burim potencial infeksioni.

Okulistë të ndryshëm shpjegojnë se lentet e kontaktit mund të gjenden lehtësisht edhe në treg të zakonshëm, por kjo sipas tyre është një mënyrë shumë e gabuar. Lentet vendosen në kornenë e syrit dhe kjo ndihmon që shikimi të jetë me fokus të qartë në të gjitha drejtimet, por sytë mund të kenë karakteristika dhe matje të ndryshme të lakimit të kornesë nga individi në individ, theksojnë specialistët dhe ka njerëz që mund të kenë nevojë për lente kontakti të bëra me porosi.

Gjithashtu ata shpjegojnë edhe rastet se kur duhen shmangur patjetër këto lente: “Në sytë e thatë. Duhet të kihet gjithmonë parasysh se në rastin e syve të thatë ose lubrifikimit të dobët, fërkimi që lentet e kontaktit ushtrojnë në sipërfaqen e syrit mund të shkaktojë mikrolezione të epitelit, pra të sipërfaqes së kornesë, të cilat i hapin derën infeksioneve të syrit”.

Asnjëherë lentet e kontaktit nuk duhen përdorur për një kohë të gjatë. Kryesisht në sezonin veror është mirë që të përdoren lente ditore, pasi prania e kriprave ose mineraleve të tjera në ujin e detit ose pishinave sërish.