Fizika, Matematika dhe Kimia rrezikojnë mbylljen, ku ka zë nuk është pa gjë !

Nga Fatmir Vejsiu

Aty ku ka zë nuk është pa gjë

(POPULLI)

Nuk e di nëse është e vërtetë, për sa kohë nuk është zyrtare?!

Merakosen portalet dhe më shumë dashamirësit e arsimit sepse deri tani janë rregjistruar vetëm 21 maturantë për degët matematikë dhe fizikë.

Më vjen keq edhe mua, madje këtë keqardhje e kam shprehur publikisht, jo pak herë, jo vetëm për numrin, por më shumë për cilësinë e tyre.

Jam i sigurtë që “udhëheqësit” e arsimit nuk shqetësohen, pasi mendojnë që në përfundim të fazës së dytë, vendët bosh do të plotësohen nga ato që nuk janë shpallur fitues në asnjë degë të preferuar.

Edhe une e besoj se këto fakultete nuk do mbyllen edhe për këtë vit akademik, madje edhe të tjerë pas tij.

Ka një mendësi të familjeve shqiptare, sipas të cilës fëmijët e tyre, domosdoshmërisht duhet të ndjekin një fakultet (pavarësisht nëse e duan atë drejtim studimi, e përfundojnë atë apo do punojnë për kualifimin e përtuar pas përfundimit të arsimit të lartë) dhe kjo gjë i bën të mos ndjehen keq “udhëheqësit”

“Udhëheqësit” e arsimit (të vjetrit dhe aq më pak të rinjtë) nuk merakosen për cilësinë e mësuesit (për ato të matematikës, diçka më pak).

Është shumë keq kur nuk e ke pëlqyer matematikën si lëndë kur ke qenë nxënës dhe më keq akoma kur këtë lëndë nuk e ke bërë fare në arsimin e mesëm (të ulët dhe të lartë)

Pasojat e këtij mospëlqimi ndikojnë negativisht kur bëhesh “udhëheqës”.

U lodhën kolegët e mi (edhe unë jo pak) për nivelin e ulët të teksteve të matematikës, por askush nuk e vuri ujin në zjarr (edhe njëra që duhet ta kishte bërë)

Mbase dikush e justifikon nivelin e tekstit me përgatitjen e mësuesit (në prodhim punëtorët e pakualifikuar, bëjnë punë të rëndomta.

Në arsim nuk ka punë të rëndomtë, pra duhen vetëm mësues të kualifikuar)U lodhëm duke denoncuar nivelin e ulët të mësimit, të paktën atë që shikojmë në TVSH, por përsëri asnjë reagim (mbase nuk gjejnë dot mësues adapt)

U lodhën prindërit dhe fëmijët e tyre duke shpenzuar kohë dhe sasira të konsiderueshme parash për kurse private në këtë lëndë, por as ato vetë (prindërit) nuk “dëgjojnë nga ai vesh”, por si duket nuk i dhembin shpenzimet. (në fakt vetëm leku i fituar me djersë dhemb)

Që të shpresosh që do bëhet më mirë, duhet të shikosh përpjekie të institucioneve.

Kur ato nuk duken, shpresat janë të vdekura dhe duhet shumë kohë për t’i ringjallur ato.

Gjuha ime shkon aty ku më dhemb dhëmbi im

Çdo kush të “gjej dhëmbin” e vet