Ka thënë kryeministri Edi Rama në një aktivitet me rastin e 95 vjetorit të vendosjes së selisë qendrore të Bektashizmit në Tiranë:Kryegjyshata Botërore e Bektashinjve mund të transformohet në një realitet shqiptar, ndërkombëtarisht tërheqës, ku njerëzit e çdo feje dhe kombësie, ndër plot nga ata që vijnë dhe do vijnë në Shqipëri, të mund të hyjnë në portën e hapur të një shteti simbolik, pa mure, pa polici, pa ushtri, pa taksa, apo atribute të tjera, por një seli, një shtet shpirtëror, që e pret çdo vizitor, me devizën ne s’jemi këtu për të ndarë, ne jemi këtu për të bashkuar. Kjo do t’i japë këtij komuniteti mundësinë të mbijetojë, se patjetër do t’i shtohen ndjekësit, simpatizantët. 

Bektashijtë janë vetëm dhe nëse erdhën këtu 95 vite më parë, si jetim të një Perandorie që u tregoi derën, bektashizmi këtu s’mund të vdesë si një jetim, që shqiptarët i tregojnë rrugën. Sepse do ishte vrasja me duart tona e një vlere shpirtërore që siç është brenda nesh sot duhet t’u përcillet brezave, në emër të një historie shqiptare

Ndërkohë vetë Baba Mondi, ky Nastradin i rrallë i kohës sonë ka folur për një Urdhër Bektashi, pra ngjashëm me atë të Urdhërit të Maltës:

Për komunitetin tonë mesazhe të tilla i konsiderojmë mesazhe të shenjta të dërgimit nga Zoti dhe shpresojmë një vit i filluar me këto shenja të jetë vit i përmbushjes së domosdoshmërisë për stabilizimin e Statutit juridik të Urdhrit Bektashian. Stabilizimi i mundshëm i një Urdhri Bektashian, do kujtohej prej nesh jo vetëm si dëshmi, por edhe faktori i ri për harmoninë mes komunitetin tonë dhe komuniteteve të tjera në botë

Hajde ta gjesh se çfarë kanë në mendje këta!

/Respublica.al