Arkitekti kryesor i fushatës presidenciale të Donald Trump, Chris LaCivita, i cili do drejtojë fushatën e PD-së për zgjedhjet e 11 majit tha se kryeministri i Shqipërisë është një kukull e Xhorxh Sorosit dhe kjo nuk duhet lejuar më.

LaCivita shtoi se beson fort në fitoren e Sali Berishës në zgjedhjet  11 majit duke e krahasuar kryedemokratin me presidentin amerikan teksa tha se Berisha u persekutua nga qeveria e majtë njësoj si Trump nga administrata Biden.

Ai u shpreh i bindur në fitoren e opozitës në zgjedhjet e 11 majit ndërsa kërkoi zgjedhje të lira e të ndershme pa ndërhyrjen e qeverisë dhe krimit të organizuar.

“Jemi këtu sepse duam të ndihmojmë të zgjidhet kryeministër një mik i vërtetë i SHBA-së si Sali berisha, një politikan që do punojë ngushtësisht me presidentin amerikan Donald Trump

Kryeministri i tanishëm i Shqipërisë është një kukull e Xhorxh Sorosit dhe shqiptarët nuk mund të kenë një kryeministër që është kukulla e Xhorxh Sorosit. Berisha është një mik prej shumë kohësh i SHBA-së.

E majta në SHBA tha se Trump nuk mund të zgjidhej po ai fitoi. Pavarësisht goditjeve të shumta nga administrata Biden, Trump triumfoi. Ne jemi në kushte të ngjashme me fushaën atje, sepse e dimë se Berisha mund të fitojë.

 Berisha ashtu si Donald Trump, dhe shumë anëtarë të tjerë të opozitës, janë persekutuar e akuzuar në mënyrë të padrejtë nga një qeverisë që nuk do t’ia dijë për demokracinë. Aleatët e tij dhe krerët e opozitës po burgosen, po lihen  në arrest shtëpie dhe po intimidohen dhe ne jemi këtu për të ndihmuar që kjo gjë të marrë fund. Çështjet për të cilët interesohen shqiptarët janë të njëjtat si për amerikanët.

Ata duan një qeveri që punon për ta, siguri personale, vende pune, ekonomi e liri dhe të kenë mundësinë të rrisin fëmijët në Shqipëri dhe ata të kenë mundësi këtu, jo në emigrim. Dhe më e rëndësishdhmja, ne duam zgjedhje të lira e të ndershme, larg nga ndërhyrja e qeverisë, larg nga duart ekrimit të organizuar, zgjedhje të drejta e transparent janë kyçe për demokracinëe. Dhe me një demokraci të lulëzuar dhe miqësi të vërtetë më SHBA-në ne mund ta bëjmë Shqipërinë sërish të Madhe.”­-  tha LaCivita.