Arkend Balla, zhvilloi një fushatë pozitive në të gjithë qarkun e Durrësit, dhe rezultati i 11 Majit, ishte një goditje e fortë për kundërshtarët.

E shkatërruar nga humbja, opozita kërkon të bëjë pis triumfin e tij, por përgjigja për këtë sukses është e thjesht.

Ndryshe nga të tjerët, ai e nisi fushatën dy vite më parë, me takime me banorët në çdo lagje të Durrësit dhe qarkut, duke dëgjuar shqetësimet e tyre.

Ai mund të ketë qëndruar larg mediave tradicionale, por fjalët e tij kanë pasur më shumë vlerë kur janë thënë përballë njerëzve dhe jo përpara kamerave. Rrjetet e tij sociale pasqyrojnë një mbështetje të fortë, veçanërisht nga të rinjtë që e shohin si një frymë të re në politikë.

Ky angazhim ka sjellë një rezultat impresiones në zgjedhjet e 11 majit, ku Balla u bë kandidati më i votuar në qarkun e Durrësit me 18,715 vota.

Kjo fitore e madhe, megjithatë, ka nxitur një fushatë sulmesh nga disa ‘personazhe’ të opozitës, të cilët kanë tentuar të njollosin figurën e tij, duke ngritur dyshime për angazhimin e tij politik.

Por realiteti është ndryshe. Balla ka qenë gjithmonë aktiv dhe kontribues në jetën publike, përfshirë periudhën e tij në Universitetin “Aleksandër Moisiu” të Durrësit, ku ka mbajtur pozita të ndryshme menaxhuese dhe ka shërbyer si lektor në Fakultetin e Shkencave Politike dhe Juridike.

Që nga korriku i vitit 2023, ai shërben si deputet i Partisë Socialiste në Kuvendin e Shqipërisë dhe është një kontribues i rëndësishëm në komisionet për Sigurinë Kombëtare dhe Çështjet Ligjore.

Por Shqipëria është vendi i çudirave, kur punon dhe ke sukses të sulmojnë, ndërsa kur dështon të japin dorën!