Këta janë emrat për fëmijë, më të përhapur në Shqipëri

Kur vjen puna tek emrat, gjithnjë mund ta kesh pyetur veten se cilët janë emrat më të zakonshëm në Shqipëri dhe fatmirësisht, në këtë artikull e ke përgjigjen! Sara (Anxhelat marrin frymë lirshëm) dhe Noel janë dy emrat që hasim më shpesh.

Sipas Doloreza Rrapollarit, punonjëse në Drejtorinë e Përgjitshme të Gjendjes Civile, në intervistën e saj në “Vizioni i Pasdites”, Sara dhe Noel dominojnë listën e emrave më të hasur.

“Emri Sara kryeson listën e emrave për vajzave. Bëhet fjalë edhe për lindjet e shqiptarëve që jetojnë jashtë Shqipërisë. Për djemtë, kryeson emri Noel. Gjatë këtyre 5 viteve, emrat Sara janë vendosur 8,562 herë, ndërsa Noel, rreth 6,532 (në mos gaboj)”, u shpreh ajo.

Më tej, renditi edhe emra të tjerë të përhapur në Shqipëri:

Për vajzat

Kristina

Amelia

Megi

Aurora

Për djemtë:

Aron

Andrea

Gabriel

Samuel
 
Ajo shprehu keqardhjen për mosvendosjen e emrave me origjinë shqiptarë.

Ndërsa në Kosovë, ndër emrat më të përdorur për djemtë është Troi.

Sara – do të thotë “princeshë”. Sara është emër me origjinë hebraike, variant i emrit Sarah, gruas së Abrahamit sipas Biblës.

Noel – e ka origjinën nga frengjishtja e vjetër dhe lidhet me “Krishtlindje”. Është një variant i fjalës “nael” (natalis) që buron nga latinishtja dhe do të thotë “lindje”.