Sekretari amrikan i Shtetit Marco Rubio njoftoi të mërkurën se Departamenti i Shtetit do fillojë bllokimin e vizave për studentët kinezë.

“Nën udhëheqjen e presidentit Trump, Departamenti i Shtetit do punojë me Departamentin e Sigurisë Kombëtare për të anuluar në mënyrë rigoroze vizat për studentët kinezë, përfshirë ata me lidhje me Partinë Komuniste Kineze ose që studiojnë në fusha të rëndësishme”, tha Rubio në një deklaratë.

“Ne gjithashtu do rishikojmë kriteret e vizave për të përmirësuar shqyrtimin e të gjitha aplikimeve të ardhshme për viza nga Republika Popullore e Kinës dhe Hong Kongut”, shtoi ai.

Në fillim të këtij viti, administrata revokoi vizat e mijëra studentëve ndërkombëtarë, duke përfshirë disa të shënjestruar për pjesëmarrje në protestat pro-palestineze në kampuse, shkruan AA.

Javën e kaluar, administrata Trump u zhvendos gjithashtu për të hequr autorizimin e Universitetit të Harvardit për të regjistruar studentë ndërkombëtarë. Një gjykatës federal e ka bllokuar përkohësisht vendimin.

Të mërkurën, Trump propozoi kufizimin e pranimeve të studentëve të huaj në 15%, duke i quajtur disa studentë ndërkombëtarë “problematikë” dhe “njerëz radikalë”.