Elon Musk, miliarderi I teknologjisë dhe zotërues i X, ka paditur në gjykatë kompanine Apple dhe ChatGPT për sjellje monopolizuese të koordinuar. Pretendimi i Musk ka të bëjë me nënrenditjen në listë kërkimi dhe cilësimet e prezantimit  për Grok, prodhimin e tij në fushën e Inteligjencës Artificiale.

1 milion vlerësime me mesatare 4.9 dhe Apple ende refuzon të përmendë Grok në ndonjë listë

Kreu i Teslas dhe SpaceX pretendon se ChatGPT dhe Apple janë koordinuar për të mos lejuar që produkte të tjera të evidentohen në bazë të suksesit në treg, duke e vënë konkretetish Grok në pozitë konkuruese të pafavorshme.

Apple dhe OpenAI kanë mbyllur tregjet për të ruajtur monpolet e tyre dhe për të parandaluar inovatorët si X dhe xAi që të konkurojnë.

Apple ka integruar në sistemin e vet operativ për iPhone, iPad dhe kompjuterë Mac, ChatGpt duke krijuar kushte për masivizim në treg të një produkti të inteligjencës artificiale. Dy javë më parë kompania iu përgjij Musk duke theksuar se Apple Store, sporteli digjital i Apple për shitje të produkteve softuerike, nuk diskriminon asnjë kompani.

Musk ka kapur megjithatë një aspekt që mund të gjejë rrugë në shqyrtimin gjyësor përmes legjislacionit anti-trust. Apple zotëron 65% të tregut amerikan të smartfonëve dhe ChatGPT 85% të tregut të shërbimit masiv të inteligjencës artifciale dhe koordinimi i tyre në një sportel të vetëm që përkon me një përdorues unik, i vendos ato në pozicion monopoli në treg.

Për ekspertët ligjorë të fushës së teknologjisë, padia e Musk është rasti i parë që një gjykatë amerikane të mund të ndërhyrjë qoftë për të vlerësuar, qoftë edhe për të përkufizuar disa rregulla në tregun e ri të inteligjencës artificiale dhe produkteve që asociohen me të.