Fshat më fshat me të njëjtat batuta

Kryeministri Edi Rama ndodhet sot në Kuçovë ku po zhvillon bashkëbisedimin e radhës me banorë dhe fermerë të zonës.

Ashtu si edhe në takimet e mëparshme Rama përsëriti të njëjta batuta, si: “A mbillet hashash këtu? Sa fëmijë ke? I ke bërë me një goditje apo me radhë? Ato që s’bënë për 25 vjet si bëjmë dot ne për 3 vjet”.

Po kështu u vu re nervozizëm nga ana e Kryeministrit përballë një banori, duke i thënë disa herë: “ulu se po flas unë, më lër të mbaroj, ik freskohu se je i ngarkuar, etj”.

Pjesë nga bashkëbisedimi i Ramës me banorët e Kuçovës:

Banori: Quhem Elmas Mema, kam shqetësim me zyrën e regjistrimit të Kuçovës aty është bërë katrahurë, të aplikosh që dy vjet më parë, e të më thonë ka humbur kontrata e regjistrimit, ku vajti kopja ime origjinale, atje janë njerëz të paaftë në zyrë. Më thanë, merr helikopter dhe shko te toka, c’janë këta kuadro, ty bravo të qoftë, se je djalë i mbarë, bravo të qoftë…

Rama: Jam njohur me këtë çështje pak ditë më parë. Ata që të thoni ik me helikopter, do fluturojnë vetë me helikopter, do fluturojnë nga dritarja dhe nuk do futen më në zyrat e regjistrimit të pasurisë.

Banor: S’kemi rrugë…

Rama: Po hashash mbillet?

Banor: Jo unë jo njëherë…

Banor: Mos shani njëri tjetrin po shihni Shqipërinë se ju dëgjoj me Saliun në Parlament…

Rama: E prishe me Saliun se na trembet moti e fillon shiu. E kemi Saliun si hudhër të mos na marrin në sysh.

Rama: Ish-kryetari i komunës tënde ka harxhuar paratë i ka bërë rrush e kumbulla.

Banori: Cojeni në burg

Rama: Burgu punë tjetër. Ju doni burgun apo rrugët?

Banori flet nga vendi (nuk degjohet sepse ska mikrofon…)

Rama: Të lutem mos më ndërhy po flas. Më ler të mbaroj. Ne nuk kemi shkop magjik. E morën me një mal me borxhe. Shlyem 720 mln USD borxhe, po ti kishim këto para në buxhet do ti kishim mbaruar rrugët e gjithë Shqipërisë.

Banori e nderpret serish….

Rama: Ik freskohu se je i ngarkuar