Miliarderi Elon Musk beson se inteligjenca artificiale do jetë katastrofike për njerëzimin.

Ai paralajmëroi se gjithmonë e më shumë njerëz do mbeten pa punë, pasi robotët do kryejnë punën e tyre.

Për këtë arsye, Musk propozon se duhet të prezantohet një pagë universale për të ndihmuar njerëzit.

Duke folur në Dubai, miliarderi tha se udhëtimet hapësinore do jenë krejt normale si një fluturim me avion brenda 50 vitesh.

Biznesi i kompanisë së makinave Tesla thotë se brenda dhjetë vitesh nuk do ketë më shoferë në rrugë, por vetëm makina autonome.

Musk tha se është e mundur që inteligjenca artificiale të shkatërrojë njerëzimin.

Musk paralajmëroi qeveritë: “Shiheni me kujdes mënyrën se si po zhvillohet inteligjenca artificiale”.

“Shumë shkencëtarë janë kaq të zhytur në punën e tyre sa nuk e dinë se çfarë po bëjnë”.

“Super inteligjenca dixhitale do jetë sikur në planetin tonë të vijnë alienët”.

“Disa madje mendojnë se alienët janë mes nesh. Ka prej atyre që thonë se unë jam një alien. Nuk është e vërtetë”.

Musk tha se pak a shumë njerëz po bëhen siborgë.

“Ne jemi të rrethuar nga kompjuterët, celularët. Aplikacionet, shihni Google, ti pyet dhe merr përgjigje për gjithçka në çast”.

“Nëse vdisni në ditët e sotme, shpirti dixhital do jetë sërish vërdallë në mediat sociale, në emaile”.

“Me kalimin e kohës do shohim një shkrirje të inteligjencës biologjike me atë dixhitale”.

Elon Musk, të cilin e krahasuan me Albert Ajnshtajnin në këtë konferencë, ka një pasuri prej 11 miliardë dollarësh dhe cilësohet si një nga vizionarët më të mëdhenj në botë.