Një përplasje e ashpër dhe me fjalë fyese ka nisur mes analistit Mustafa Nano dhe nënkryetarit të Partisë Demokratike, Edi Paloka. Dy ditë më parë, Nano e quajti Palokën “horr” në partinë e drejtuar nga Lulzim Basha.

Analisti Mustafa Nano i kërkoi kreut të PD-së, Lulzim Basha, të ishte pjesë e çadrës së demokratëve për të thënë disa të vërteta që deri më tani nuk janë thënë nga askush që ka qenë pjesë e saj.
Në një intervistë, Nano deklaroi se donte të ishte pjesë e çadrës për t’i thënë Bashës se Paloka, Strazimiri, Noka etj., nuk janë më pak horra se ata që ka sjellë Rama në Parlament.

Përmes një reagimi për gazetën “Panorama”, nënkryetari i PD-së, Edi Paloka, i kthen përgjigje publicistit, duke i kujtuar se ai vetë është autori i kushtrimit: “Të bashkohen gjithë qelbësirat për të rrëzuar Sali Berishën”.

“Nuk ka si t’i bëjë përshtypje çështja e horrave Mustafait, sepse Mustafai është autori i kushtrimit “Të bashkohen gjithë qelbësirat për të rrëzuar Sali Berishën”. Pra, mund të konsiderohet si një farë “ideologu” për Ramën në këtë pikë”, thotë Edi Paloka