Sado që disponimi i ambasadave të vendeve të Quint-it nuk ishte për zgjedhje të parakohshme, vota e deputetëve të PDK-së ishte vendimtare në kalimin e mocionit të opozitës për rrëzimin e Qeverisë Mustafa.
Sugjerimet publike të ambasadorit amerikan Greg Delawie, por edhe zëvendësndihmëssekretarit të shtetit, Hoyt Brian Yee, kanë qenë që demarkacioni të prioritarizohej para çdo hapi tjetër, shkruan Konica.al.
Së këndejmi, rrëzimi i Qeverisë e gjen LDK-në në një pozitë të vështirë.
Sado që në kuptimin sasior mbizotëronte qeverinë, Isa Mustafa për afro tri vite nuk arriti të konsolidohej si faktor.
Fillimisht, perimetri i tij manovrues ishte i kufizuar: edhe pse zëvendëskryeministër në fillim të mandatit qeverisës, Hashim Thaçi ishte në të vërtetë eminenca gri e qeverisë.
Ky rol esencial i tij do të shihej në fillimin e vështirë të qeverisë së drejtuar nga Isa Mustafa, kur filluan protestat masive të qytetarëve që morën shkas fyerjet që u bëri ministri serb, Aleksandër Jabllanoviç, nënave të viktimave të luftës në Gjakovë.
Zgjedhja e Thaçit si president krijoi papritur një frymëmarrje për kryeministrin Isa Mustafa.
Aktivizimi i kryetarit të ri të Partisë Demokratike të Kosovës, Kadri Veseli, sakaq trandi ekulibrin e brishtë të dy partnerëve të koalicionit.
1. Debutimi pabesueshëm i shpejtë i Kadri Veselit, prej një figure të panjohur për publikun deri te posti i kryekuvendarit të Kosovës dhe PDK-së, shtoi ambicien e tij për të sprovuar veten sa më parë në zgjedhje të parakohshme.
-
Kalimi i mundshëm i versionit aktual të demarkacionit, burim ky i animoziteteve të pafundme me opozitën, do të konsumonte në mënyrë rapide jo vetëm ditët, por edhe legjimitetin e qeverisë. Kjo duhet të jetë një nga arsyet kryesore që PDK u ngut t’i jepte shqelmat e fundit qeverisë Mustafa.
-
Në çfarëdo varianti, PDK nuk do të jetë e shqetësuar nga LDK. Deviza e saj për të “shkapur shtetin” e për të “zbardhur vrasjet e pasluftës” ka pësuar një anije-thyerje të plotë. Për shumicën e mandatit, kryeministri Isa Mustafa por as ministrat e LDK-së nuk kanë treguar ndonjë interesim për të hedhur projektorin e dritës mbi veprimtarinë e SHIK-ut (që asociohet me PDK-në)
-
Përçarja e opozitës dikur e bashkuar dhe rritja e hendekut mes Vetëvendosjes dhe AAK-së e Nismës ka pakësuar prospektet e ndonjë koalicioni parazgjedhor që do të kërcënonte sipraninë e PDK-së.
-
Në një kohë kur kontekstet gjeopolitike po shkojnë drejt krijimit të disa autokratëve liliputë në Ballkan në kurriz të demokracisë liberale, PDK ka tejçuar mesazhin para perëndimorëve se është dorëzania kryesore e stabilitetit, por edhe destabilitetit në Kosovë. Në këtë dritë, zgjedhjet e reja do të ishin më të favorshme se kurrë më parë për të…
Duhet të jeni i kyçur në mënyrë që të mund të lini një koment Kyçu