Sezoni turistik po arrin kulmin.

Temperaturat e larta po rikthehen pas një fundjave të freskët.

Sezoni si zakonisht është shoqëruar edhe me kritika.

Fillimisht u kritikua Bashkia e Durrësit, pasi nuk lejonte autobusët që vijnë nga Kosova për të hyrë në zonat e populluara.

Më pas pati kritika për mungesën e rojeve të plazhit, pas mbytjes së disa pushuesve.

Nuk mungojnë as këtë sezon edhe faturat e kripura.

Jo vetëm kaq, por duket se aplikimi i tyre është diskriminues.

Disa pushues kosovarë kanë postuar online faturat e shezlongut në Dhërmi.

Shqiptarëve të Shqipërisë u kërkohet të paguajnë 7 mijë lekë të vjetra, kurse atyre të Kosovës u kërkohet të paguajnë 20 mijë lekë të vjetra.

Me gjithë këto incidente, sërish plazhet janë plot.

Kryeministri Edi Rama vetë ka postuar disa foto nga Lungomare në Vlorë.