Si të shtoj në peshë?

Vitet e fundit po zgjerohet edhe më shumë literatura sesi ne të dobësohemi. Këshilat në këtë drejtim janë të shumta, duke filluar që me ushtrimet në palestër dhe në fund dietat që mbahen në mënyrë të rregullt.

Dietat disa ditore ose më shumë, jo gjithmonë kanë dhënë rezultatin e dëshiruar. Por nga ana tjetër është dhe një kategori njerëzish, të cilët janë të dobët dhe kanë nevojë për të shtuar në peshë. Për këtë kanë menduar mjekët, ku përpos këshillave, ata kanë renditur edhe disa receta.

Të gjithë ju që do të ndiqni këtë recetë, duhet të ushqeheni shpesh dhe mund të nevojitet të shtoni ndonjë vakt, duke ngrenë në total 6 herë në ditë.

Përpiquni që në çdo vakt të përfshini ushqime me përmbajtje proteinash dhe yndyrë si bukë të zezë, salcë ullinjsh dhe djathë. Duke shtuar sasinë ditore me 500 kalori në ditë, mund të arrini një shtim të peshës prej 0,5 kg në javë.

Për të hapur oreksin, një nga më të njohurat është një ecje e shpejtë në këmbë për disa minuta, menjëherë përpara vaktit. Ajo çka mbetet e rëndësishme lidhet me faktin se duhet të konsumoni ushqime të preferencës tuaj dhe në orët e ditës që ndjeheni më të predispozuar për të ngrënë.

Për ta bërë ushqimin më tërheqës shtoni erëzat e preferencës suaj dhe kripë sipas dëshirës. Jo vetëm kaq, por sallatat konsumojini në fund të vaktit dhe jo në fillim, të përdoret sa të mundeni vaj ulliri ekstra të virgjër nëpër sallata dhe ushqime. Gjithashtu duhet të konsumoni pas çdo vakti një ushqim të ëmbël si mjaltë, reçel frutash, çokollatë.

Nuk duhet pirë ujë para ose gjatë ushqimit si edhe duhet zëvendësuar uji me lëngje të freskët të shtrydhur, ose me qumësht. Për të shtuar në peshë na duhet të ushqehemi me 500-1000 kalori në ditë më shumë se normalisht.

Shembuj që sjellin 500 kalori më shumë janë:

1 gotë qumësht me yndyrë të plotë + 2 feta bukë të zezë + 2 lugë vaj ulliri+ 40 gr djathë të bardhë.

-1 kupë kos me yndyrë të plotë + 2 lugë mjaltë + 1 banane +1 lugë stafidhe, 2 kupa makarona me 50 gr djathë.

– 2 patate mesatare me vaj ulliri dhe një kokërr vezë të zier.

Ushqime që mund të shtohen lehtë gjatë ditës duke shtuar dhe sasinë e kalorive janë: Vaji i ullirit, mjalti, kosi, qumështi, buka, frutat e thata si arrat, bajamet dhe frutat e thara si rrushi i thatë, thanat e thara etj.

Po të ndiqni këtë rregjim, shtimi i peshës do të vijë gradualisht.