Kërcitja e gishtave na bën keq apo jo?

Disa studime na shpjegojnë çfarë ndodh kur kërcasim gishtat dhe cilat janë pasojat

Kërcitja e gishtave. E bëjmë pothuajse të gjithë dhe ndonjëherë me ndonjë dozë të caktuar kënaqësie. Por në një moment pyesim edhe për këtë zakon nëse na bën keq apo jo. Një përgjigje shkencore për këtë dilemë nuk ka akoma. Por në të vërtetë nuk të bën as mirë e as keq. Ja përse

Çështje lëngjesh. Nyjet e gishtave tanë janë të zhytura në një lëng të quajtur “lëngu synovial”, që është projektuar për të ushqyer indet dhe nyjet artikulare.

Kur lëvizim gishtat, lëngu liron kompozime të gazta që mbushin hapësirën e zbrazët në nyje, duke formuar flluska të vogla. Kur kërcasim gishtat, presioni në lëngun bie papritur dhe flluskat e ajrit shpërthejnë, e cila më pas merr një kohë të konsiderueshme për t’u rimbushur me lëng.

Për këtë arsye është e nevojshme që të prisni pak kohë përpara se ta përsërisni kërcitjen.

Na bën keq? Në një farë mënyre shkenca ka arritur të kuptojë nëpërmjet zhurmës që lëshohet nga kërcitja e gishtave për të kuptuar nëse krijohen probleme më vonë. Një nga problemet është artriti.

Një studim tjetër tregon se kërcitja e gishtave mund të shkaktojë ënjtje të duarve dhe një rënie të forcës së përgjithshme.

Pavarësisht këtyre studimeve, ka të tjera që tregojnë se kërcitja e gishtave nuk prodhon dëme. Por as përfitime.

Këtë e ka provuar një mjek kalifornian, Donald Unger, i cili për ta vërtetuar këtë lloj vesi, për 60 vjet ka kërcitur gishtat e një dore kurse dorën tjetër jo. Dhe arriti në përfundimin se kërcitja e gishtave nuk pati ndonjë pasojë.

Sigurisht që studimi i Unger nuk ka shumë vlerë shkencore.