Sot në botë ka me miliona kilometra rrugë. Disa prej tyre të ofrojnë panorama të pabesueshme dhe të tjerat janë vepra arti të krijuara nga duart e njeriut.

Rruga në Luginën e zjarrit në Nevada, kalon nëpër formacionet e bukura me gurë ranorë. Për shkak të ngjyrës së kuqe dhe reflektimit të diellit, formacionet duken sikur kanë marrë flakë.

Rruga e Atlantikut në Norvegji gjatë gjithë gjatësisë së saj ka plot shtatë ura, dhe pamja që ajo të ofron të lë pa frymë. Nëse ju rastis që të kaloni përgjatë kësaj rruge ju do të shihni balena dhe foka.

Edhe pse është e njohur për rrëshqitjet masive të tokës, vendkalimi i Rohtang në Indi, të ofron një panoramë spektakolare, pamje të ndryshme – si akullnaja, maja malesh dhe lumenj.

Rruga ndërshtetërore ‘70’, e cila shkon deri në Utah në SHBA, gjatë dimrit të ofron një ndër panoramat më mbresëlënëse në botë. Sidomos një pjesë e saj e mbuluar me dëborë që kalon përgjatë kanionit ‘Wolf’.

Vendkalimi i Oberalp shtrihet përmes Alpeve zvicerane dhe është 2044 metra mbi nivelin e detit. Rruga është e hapur vetëm gjatë verës, sepse në dimër ëshë i mundur vetëm udhëtimi me tren.

Autostrada e Karakoramit është një nga rrugët më të larta ndërkombëtare të asfaltuara në botë. Ajo kalon nëpër vargmalin Karakoram dhe lidh Pakistanin me Kinën.

Rruga Milford në Zelandën e Re është e famshme për erërat e forta. Pjesa me e madhe e saj, rreth 232 kilometra kalon në Parkun Kombëtar Fiordland, në zemër të Alpeve Jugore. Rruga gjithashtu lidhet me Milford Sound, një nga vend xhirimet e trilogjisë “Zoti i Unazave”.

Rruga Blue Ridge kalon nga Karolina e Veriut në Virxhinia dhe është e njohur për peisazhin e thyer malor dhe panoramën malore të parkut Appalachian.

Tuneli në rrugën Guoliang, në provincën Henan të Kinës është një ndër vendkalimet më të rrezikshme në botë. Tuneli është ndërtuar në buzë të malit Taihang dhe shkurton rrugën me 6.4 kilometra. 

Rruga në majë të malit Chapman të Afrikës së Jugut është vetëm 8 kilometra e gjatë, por ka 114 kthesa dhe të ofron pamje mahnitëse 180 gradë nga deti dhe mali.

Rruga më e bukur e Australisë shtrihet përgjat gjithë vijës bregdetare të oqeanit. Ju do të mund të kaloninë një sërë destinacionesh turistike të famshme dhe të shihni: oxhaqet gëlqerore të Dymbëdhjetë Apostujve, balenat, pyjet tropikale dhe parqet kombëtare.

Rruga, që lidh San Simeonin dhe Karmel është quajtur ndryshe si Big Sur. Ajo shtrihet pothuajse gjatë gjithë bregdetit të thyer të Kalifornisë qendrore dhe panorama që të ofron është magjepsëse.

Col de l’Iseran në Francë është rruga më e lartë e asfaltuar në Alpe. Kjo rrugë skenike është e hapur vetëm në verë dhe është përdorur disa herë në Tour de France.

Rruga North Yungas në Bolivi është e mrekullueshme dhe e njohur si më e rrezikshmja në botë për shkak të një korsie të vetme.

Rruga Stelvio në Itali krenohet për 48 kthesat mbresëlënëse në rrjedhën e vetëm të 24 kilometrave. Rruga kalon nëpër Alpet italiane, 2743 metra mbi nivelin e detit.

Autostrada Hana në Havai kalon përgjatë bregdetit Maui dhe përbëhet nga 620 kthesa të mprehta dhe 59 ura. Ju do të shikoni një shumëllojshmëri panoramash, duke përfshirë ujëvara, xhungla, dhe, natyrisht oqeanin.

Rruga ‘Ruta 40’ rreth 5 kilometra, shtrihet nga kufiri verior i Argjentinës e deri në majën e saj jugore. Ajo kalon 18 lumenj, 20 parqe kombëtare dhe shkon paralel me malet e Andeve, duke të ofruar një pamje të përsosur skenike.

Rruga Touge në Japoni lidh Caldera me malin piktoresk Fuji, një vullkan aktiv, si edhe maja më e lartë në Japoni. Kjo është një ndër vendet më të preferuara në botë për të bërë ‘drifting’. 

Trollstigen ndodhet në Norvegji dhe është një rrugë dredha-dredha, jashtëzakonisht e ngushtë dhe e pjerrët. Nëse do të ecni përgjatë kësaj rruge do të keni mundësi të shikoni ujëvarën Stigfossen, rreth 320 metra të lartë mbi male.

Rruga në malin Jebel Hafeet në Abu Dhabi lidh malet e thepisura gëlqerorë të Emirateve të  Bashkuara Arabe. Ju sugjerojmë të udhëtoni natën!

Autostrada jashtë shtetit të Floridës lidh pjesën kontinentale me ishujt e saj. Rruga përbëhet nga 42 ura gjatë 182 kilometrave. Ju do të ndjeni sikur po i jepni makinës mbi sipërfaqen e oqeanit. 

Rruga e gjatë dhe e largët ‘A82’ në Glencoe, Skoci, ju sjell pamje të mahnitshme të kënetave në Urën Rannoch.

Cabot Trail në Nova Scotia është një nga rrugët më piktoreske në Kanada. Rruga është dredha-dredha në pjesën më të madhe të Cape Breton Island dhe të ofron një pamje mbresëlënëse të pyjeve dhe oqeanit.

Rruga piktoreske ‘163’ shtrihet nga kufiri i Arizonës dhe kalon përmes maleve të Utah-ut. Përgjatë 72 kilometrave ju do keni mundësi të admironi shkëmbinjtë e kuq dhe shkretëtirën.

Ëndrra e cdo të apasionuari pas shpejtësisë është Nurburgring Nordschleife, një hipodrom dhe një rrugë me pagesë, ku cdo person duhet të paguajë rreth 24 euro për 21 kilometra.