Përse Singapori ka fëmijët më të mençur në botë?

Singapori është zyrtarisht vendi me nxënësit e shkollave të mesme më të zgjuar në botë.

Suksesi akademik i vendit e ka ndihmuar këtë vend që të bëhet një ekonomi të lulëzuar, dhe mënyra se si ajo e ka ndërtuar sistemin e saj arsimor mund t’i japë leksione pjesës tjetër të botës.

“Singapori është një rast fantastik “, thotë Marc Tucker, president i Qendrës Kombëtare të SHBA-së për Arsim dhe Ekonomi. “Ky vend ishte një port i madh britanik para Luftës së Dytë Botërore. Dhe kur Britania iku që aty duke e lënë bazën e saj, Singapori ishte në gjendje të tmerrshme”.

“Sot ata janë një nga ekonomitë më të forta në gjithë botën. Ata e arritën këtë kryesisht me arsim dhe trajnim”.

Nëse ky tranzicion i Singaporit është ndërtuar përmes arsimit, sekreti i sistemit arsimor është cilësia e mësuesve të saj. “Ata zgjedhin mësuesit e tyre nga radhët e nxënësve më të mirë që dalin nga shkollat e tyre të mesme”, shpjegoi Tucker.

Përdorimi kreativ i njohurive

Në vitet e pasluftës, Singapori ka pasur një treg pune me kosto të ulët dhe aftësi të ulëta, dhe kjo ishte e mjaftueshme për sistemin e tyre të arsimit që të synojë për një shkrim-lexim universal. Por duke filluar në vitin 1970, nevojat ekonomike të Singaporit u zhvendosën. Ajo po lëvizte me shpejtësi në drejtim të teknologjisë së lartë, punë me “jakë të bardhë” dhe ishte e nevojshme për të patur sistemin e arsimit një cilësi shumë të lartë. Shumë shpejt, qëllimi ishte një arsimim i klasit botëror, dhe kjo nënkuptonte kalimin nga të mësuarit përmendësh në inkurajim për zhvillim të krijimtarisë.

“Singaporit i duhej të avancojë arsimin shpejt,” thotë drejtori i arsimit të OECD-së, Andreas Schleicher. “Dhe ata ishin të parët që mendonin rreth asaj se çfarë është ajo që fëmijët tanë duhet të jenë të suksesshëm në ekonominë e së nesërmes?

“Një gjë që ka qenë e qartë për ta ishte se ekonomia botërore nuk shpërblen njerëzit vetëm për atë që ata e dinë. Google di çdo gjë. Ekonomia botërore shpërblen njerëzit për atë që ata mund të bëjnë me atë që dinë”.

“Theksi mbi aplikimin, përdorimin kreativ të dijes është shumë, shumë i fuqishëm në Singapor dhe vende të tjera aziatike.”

Rëndësia e arsimit është futur në moshë të re, para se fëmijët të shkojnë në shkollën fillore.

“Unë si edukatore parashkollore, mendoj se ne ne jemi themeli”, thotë Diana Ong, drejtoreshë në Schoolhouse Sembaëang Country Club, një institucion parashkollor në veri të Singaporit. “Ne formojnë bazën themelore”.

“Mendoj se vitet e para të jetës së fëmijës janë shumë të rëndësishme. Pra, kur ju keni një fëmijë me vetëbesim të madh, besimi i atij fëmije do ta përcjellë atë edhe në shkollën fillore po ashtu. Ju doni që fëmija të jetë jo vetëm i zgjuar, por doni që ai të jetë edhe elastik.”

Schleicher thotë se kjo është pjesë e kulturës së shumë vendeve aziatike, që prindërit t’u japin përparësi arsimimit të fëmijëve të tyre.

“E gjitha fillon me resurse, prioritet te ata është arsimi,” shpjegoi ai. “Në këto vende, prindërit dhe gjyshërit do të investojnë resurset e tyre të fundit, paratë e tyre të fundit në … edukimin e fëmijëve të tyre.

“Kjo është në njëfarë forme çështje e prioriteteve. Ju mund të shihni këtë në të gjitha nivelet e politikave publike, ku arsimi vjen në vend të parë. Kjo është e ardhmja juaj.