Kaq shumë mister për dasmën e Ledion Liços dhe Sara Hoxhës. Askush nuk tha asgjë, të ftuarit kishin bërë pakt të mos pipëtinin rreth çështjes, motrat Hoxha nuk u bënë të gjalla ndërkohë që Ledioni u zhduk nga Instagrami.
E çuditshmja ishte kur brenda ditës, shumë të njohur të ekranit, bashkëpunëtorë të hershëm ose të momentit me ‘Top Channel’, moderatorë dhe këngëtarë si dhe miq të çiftit u panë në Como të Italisë.
Foto të bukura na tërhoqën vëmendjen, mbi të gjitha disa nga bukuroshet e ekranit si Albana Osmani, Eneda Tarifa, Jona Spahiu dhe Dojna Mema, të veshura bukur e plot stil dhe të katërta në Como!
Mendohet që dasma të ketë qenë dy netë. E para në datën 10 gusht, ndërsa tjetra në mbrëmjen e 11 gushtit. Asnjë detaj nga festa e të shtunës mbrëma, përveç fustaneve të bukurosheve, që rroftë Instagrami edhe për kaq!
Lori Hoxha
Sara vendosi që të ishte motra celebruesja e dasmës së saj. Për të qenë në lartësinë e duhur të detyrës së dhënë, Lori ka zgjedhur një fustan të bardhë të shkurtër, pas trupit dhe me detaje puplash te krahët. Firma nuk dihet, por patjetër është shumë i kushtueshëm.
Albana Osmani
Veshur më një fustan nën gju, miksim i nude me lule vishnje. Ky fustan pas trupit e tregon mrekullisht bukur Albanën, e cila gjithmonë është veçuar për linja perfekte. Përsa i përket tualetit, ajo ka zgjedhur buzë të kuqe, shumë të dukshme, që shkojnë më së miri me ngjyrat e fustanit.
Albana për ceremoninë e të dielës ka zgjedhur një fustan të zi me dantellë në gjoks dhe me një çarje shumë të theksuar.
Eneda Tarifa
Një kanotierë e shkurtër (crop top) e zezë dhe një fund i zi kanë qenë zgjedhja e Enedës për mbrëmjen e të shtunës. Veshje me stil dhe festive, ndryshe nga ato që jemi mësuar të shohim nëpër dasma, por që Enedës i duket shumë mirë.
Eneida ka vendosur të tregojë shumë me fustanin e dytë. Një fustan i kuq me dekolte të hapur dhe me kurriz të zbuluar.I gjatë deri në fund të këmbëve, por me një çarje ekstreme, Eneida ka dashur të tregojë sa më shumë lëkurë.
Jona Spahiu
Moderatorja bukuroshe e Top Channel ka zgjedhur një fustan të gjatë deri në fund të këmbëve, me lule me ngjyra. Së shpejti ajo pret të bëhet nënë dhe barku i saj i rrumbullakosur i jep shumë hijeshi moderatores.
Dojna Mema
Dojna shkëlqen në një fustan lejla me detaj shumë interesante te mëngët. Fustani i shkurtër, pas trupit dhe me mëngë të fryra e bën Dojnën të duket absolutisht elegante. Dekolteja shumë e hapur i jep nota ekstravagante fustanit, por kjo nuk e bën të duket më pak shik! Vëthët shumë të gjatë dhe sandalet metalike janë detaji i duhur për të plotësuar këtë veshje të guximshme.
Dojna ka zgjedhur një fustan rozë të gjatë me një krah. Flokë të kapura dhe sërish vathë të dukshëm. Zgjedhje e përsorur.
Getoari dhe Luana
Dy kunetërit dukeshin shumë bukur në koktejlin e ditës së diel. Luana kishte zgjedhur të kuqen, që aq shumë i shkon sa kanë bërë këngë për të, besoj e mbani mend. Getoari ka zgjedhur kostum të zi dhe këmishë të bardhë dhe duket goxha djalë!
Dj Vini dhe bashkëshortja
Ai është prej vitesh pjesë e stafit të TCH. Dj Vini duket shumë mirë me kostumin e zgjedhur, por vëmendjen e tërheq bashkëshortja e tij, që e zbeh komplet atë me sharmin e saj! Me atë fustan ka ditur si të shkëlqejë!
Xhemi Shehu
Xhemi duket fantastike me këtë model fustani. Nuk dihet nëse e ka veshur të shtunën apo të dielën këtë fustan, por kurdo që e ka veshur ka goditur në shenjê. Duket fantastike!
Esdalin Gorani dhe Ola Hasani
Çifti i koreografëve të njohur ka zgjedhur të duket shik. Ola ka zgjedhur një fustan të zi pas trupit, të gjatë deri në fund të këmbëve ndërkohë që Esdalini duket shumë mirë me kostum. Linjat e tyre zbukurojnë gjithçka që mund të veshin!
Ermal Mamaqi dhe Amarda Toska
Ermali dhe Ami duken fantastikë. Ermali ka zgjedhur këmishë të bardhë pa kollare ose papion ndërsa Ami duket shumë bukur me fustan të kuq dhe shpatulla të zbuluara. Një varse me gurë për të mbuluar pak dekoltenë dhe flokë të kapur kanë qenë gjithçka për të përfunduar look-un e saj.
Marina Vjollca
Marina ka zgjedhur një fustan të zi bust. Një rrip – korse shumë i trashë në bel i ka dhënë fustanit dozën e duhur të veçantisë.
Miriam Cani dhe Alban Skënderaj
Çifti simpatik ka zgjedhur veshje klasike. Albani me një veshje tipike klasike ndërsa Miriami ka zgjedhur një fustan të gjatë me rripa me dizenjo shumë të bukur floreale.
Besa Kokëdhima
Fustan i kuq me mëngë të gjata dhe deri në fund të këmbëve, vath dhe make up i rëndë. E kuqja shkëlqen tek Besa!
Alketa Vejsiu
Me sharmin që e karakterizon gjithçka që ajo vesh duket e mrekullueshme. Një fustan nga Alexander McQueen me ngjyrë mahnitëse të kuqe ka qenë gjithçka që duhej.
Agim Poçari dhe bashkëshortja
Duhet të jeni i kyçur në mënyrë që të mund të lini një koment Kyçu