Pasojat negative të rrjeteve sociale

Sipas studimeve të fundit, zakonet që sjellin rrjetet sociale mund të ndikojnë më shumë se sa mund ta mendoni në trurin tuaj. Këto studime sugjerojnë se përdorimi i gjatë i mediave sociale mund të lidhet me një vetëkontroll më të ulët, të cilin ekspertët e marketingut besojnë se mund të çojë në dëme më të larta. Njerëzit mesatarisht e kontrollojnë telefonin mbi 30 herë në ditë. Ndonëse platformat e rrjeteve sociale mund të kenë edhe përfitime, përdorimi i shpeshtë mund të çojë që të bëheni të palumtur dhe të izoluar në periudhë afatgjate.Ato ndikojnë në:

Vetëbesim: Të gjithë kemi të ‘meta’, disa prej të cilave i themi në publik, e disa preferojmë t’i mbajmë për veten. Sidoqoftë, krahasimi i vetes me tjerët në rrjete sociale e dëmton tejet mase vetëbesimin e një personi.

Lidhja njerëzore: Si qenie njerëzore, është e rëndësishme për ne të jemi të aftë të komunikojmë me njëri-tjetrin, por kjo mund të jetë e vështirë të bëhet kur jemi të ‘ngjitur’ mbas ekranit, dhe kur më shumë i preferojmë miqtë e internetit sesa personalitetet reale.

Kujtesa: Shumica e njerëzve shpenzojnë shumë kohë për ta fotografuar një objekt interesant që nuk e kanë parë më herët, por dështojnë ta shijojnë me sytë e tyre dhe ta mbajnë mend atë.

Shëndeti mendor: Jo vetëm se është dëshmuar që rrjetet sociale të shkaktojnë palumturin, por edhe mund të shpijnë në zhvillimin e disa problemeve shëndetësore, duke shkaktuar shqetësim dhe depresion.