Shifra alarmante/ 1 në 5 nxënës shqiptarë “viktima” të bullizmit

Bullizimi, apo sjelljet e dëmshme agresive në shkolla, është një fenomen mbarëbotëror dhe si i tillë është i pranishëm edhe në Shqipëri. Dhuna brenda mureve te shkollave 9-vjeçare dhe gjimnazeve mbetet në nivele alarmante.

Është evidentuar se 1 në 5 fëmijë në arsimin parauniversitar në vendin tonë është pre e bullzimit.

“Pra nëse ne kemi sot në Shqipëri 480.000 fëmijë, të cilët janë pjesë e arsimit parauniversitar një në pesë fëmijë janë pre e dhunës ndaj bullizimit nëpër shkolla. Bullizimi është formë dhune dhe shfaqet në disa forma. Mund të shfaqet si vënia e nofkave që nxënësit i vënë njëri-tjetrit dhe harrojnë që një nofkë që i vënë shokut është një formë bullzimi. Bullizmi vjen edhe në formë verbale dhe në formë fizike, është fenomeni më i përhapur në shkollat shqiptare.

Bullzimi vjen edhe si pasojë e ndryshimeve në mjedis, si mbërritja në kryeqytet, apo nga njëri qytet në tjetrin, nga një zonë e thellë malore apo përkatësia etnike, kushtet socialo-ekonomike. Kështu që nëse nuk merren të gjitha masat për të luftuar fenomenin e dhunës dhe bullzimit në shkollat tona si do u ofrojmë nxënësve arsim cilësor”, tha Linda Pino, koordinatore kombëtare e koalicionit për arsimin.