Xhaketa, funde stofi, e çizme kashmiri, stina e vjeshtës është një sezon i ndritur për modën, ndaj nuk mund të bëni gabimin e të mos e shfrytëzoni këtë fakt ! Garderoba e kësaj periudhe është tejet e pasur dhe sipas temepreaturave ju mund të kombinoni veshjet e verës me ato të dimrit, të pranverës me të vjeshtës dhe në fund rezultati të jetë mahnitës. Këmishat e xhinsit mund t’i vishni me një pulovër sipër dhe një fund të ngushtë pas trupi. Materiali i stofit do të rrijë shumë mirë me këpucët kastori ashtu si çizmet e sheshta me pantallonat e lëkurës ! Për t’ju ardhur në ndihmë Living ka përmbledhur në galerinë e mëposhtme disa kombinime! Hidhini një sy e mos kini frikë të guxoni.
