April 25, 2020 19:56

Ata jetojnë në kamje, në shtëpi të mëdha, të rrethuar nga mure të lartë dhe sende luksi; janë pronarë të fshehur biznesesh të mëdha; kanë llogari bankare në parajsat fiskale; fëmijët e tyre arsimohen në shkollat më të shtrenjta të Perëndimit; ata marrin shërbim shëndetësor cilësor jashtë vendit.

Shahen, pështyhen dhe përbetohen për ndëshkim kur janë në opozitë por korruptohen dhe kamen njëjtë me pararadhësit kur marrin pushtetin.

Po Shqipëria?

Shqipëria e vogël, atdheu i bukur i shqiptarëve të arratisur vijon të mbetet në renditjet rajonale një ndër vendet më të varfra në Evropë.

TË VARFËR?

APO TË VJEDHUR?

Në 2013 Shqipëria votoi për largimin dhe ndëshkimin e një qeverie që vrau dhe vodhi. Ishte viti i shpresës. Por shpresa shumë shpejt u venit. Në vend të ndëshkimit të premtuar erdhi edhe njëherë tjetër pajtimi me të keqen, ndarje e re privilegjesh mes të njëjtëve të pandëshkuar.

Si media që e mbështeti me bindje rrëzimin e Sali Berishës nga pushteti, DITA e paralajmëroi Edi Ramën që në korrik 2013, një muaj pas fitimit të zgjedhjeve: Lexoni KËTU

Prej 30 vitesh tashmë, ata që e quajnë veten “të majtë e të djathtë” zëvendësojnë njëri-tjetrin në cikle 8 vjeçarë hajdutërish publike.

Video-shënimi më poshtë është përgatitur nga redaksia e gazetës DITA.

Në përgatitjen e tij u përdor tekst nga një editorial i kryeredaktorit  Adrian Thano pas tërmetit të nëntorit 2019, (shpërndarja e të cilit në rrjetet sociale u bllokua nga qeveria), si dhe të dhëna nga një shkrim me autor Endri Shabani.

Video:

VIDEO: 54 mijë dollarë për çdo familje shqiptare? Shqipëria e pasur që nuk njohim from Gazeta Dita on Vimeo.