Mes kreut të partisë më të re Thurje Endri Shabani dhe pedagogut Agron Gjekmarkaj ka ndodhur një përplasje gjatë debatit në emisionin “Open”.

Debati nisi pasi Gjekmarkaj tha se partitë e vogla i shërbejnë Ramës pasi që synojnë të marrin vota nga opozita.

Shabani e quajti të turpshme etiketimin e Gjekmarkaj duke iu drejtuar se edhe ai mund të quhet shërbëtor i Ramës.

Debati:

Gjekmarkaj: Është e kuptueshme tani. Partitë e vogla i shërbejnë Ramës.

Shabani: Si i shërbej Edi Ramës unë? Është e turpshme kjo.

Gjekmarkaj: Unë flas për fenomenin, s’po them për ju personalisht.

Shabani: Më bëra akuzë, ma shpjego tani.

Gjekmarkaj: Partitë e reja po peshkojnë vota në pellgun e opozitës. S’merrem me ju. Ju keni në parti Rudina Hajdarin.

Shabani: Shpjegoje, edhe unë mund të them se jeni shërbëtor.

Gjekmarkaj: S’ke këllqe të më thuash shërbëtor mua. Fenomeni është ky, ju hiqni vota nga opozita dhe i çoni te Edi Rama.

Shabani: Nuk ndodh kjo, sepse votuesi im është votues që nuk beson as të Rama e as të Basha. Ky votues nëse smë voton mua, nuk voton fare.