Vdekja e dikatorit Enver Hoxha në 11 Prill të vitit 1985 do të shënonte edhe fillimin e fundit të një epoke, gjatë së cilës me grusht të hekurt ai drejtoi vendin.

Njeriu që për më shumë se 40 vite kishte drejtuar vendin, duke e çuar në zgrip ekonominë, ndërsa vrau, persekutoi e burgosi famlje të tëra, ndërroi jetë  pas një vdekjeje klinike, ku kishte rënë mëngjesin e 11 Prillit.

Ndërkohë, ngjarja e filmuar dhe e përcjellë nga televizioni shtetëror, ka qenë një ditë zie për të gjithë vendin, që qante me zë, humbjen e njeriut që i kishte nënshtruar për më shumë se 40 vite.

Në një nga intervistat e kohës, një qytetare ndërsa qan përpara kameras shprehet: “Çfarë do t’ju themi fëmijëve, që presin me mall xhaxhin Enver”?