Rutina e mëngjesit e Jennifer Aniston: 4 gjëra që i bën çdo ditë

Jennifer Aniston duket përherë mirë dhe ndoshta, mes të tjerave, diçka mund të lidhet me rutinën e saj të mëngjesit.

Në një intervistë për E! Entertainment, ajo foli për zakonet e shëndetshme të mëngjesit. Janë gjëra të thjeshta, por që duket se kanë shërbyer në mirëqenien e saj për vite me radhë.

1 – Mediton dhe mban shënime

“Meditoj, pa dyshim,” tha ajo. “Gjithashtu mbaj shënime dhe nëse nuk i shkruaj, ndodh diçka e keqe.” Studime thonë se ta nisni ditën në këtë mënyrë, keni më shumë gjasa që të kaloni mirë. Prandaj, harrojini telefonat dhe rrjetet sociale sapo hapni sytë.

2 – Kafe

“Ky është një lloj rituali: kafe, meditim, meditim, kafe, në varësi të renditjes,” tha ajo.

3 – Shëtitje me qentë

Si “nënë” e tre qenve (Clyde, Sophie dhe Lord Chesterfield), një nga detyrat e saj në mëngjes është shëtitja e tyre çdo ditë.

4 – Jo telefon

Jennifer i kalon dy orët e para të mëngjesit pa qëndruar në telefon. Më e lehtë të thuhet se të bëhet, por ajo betohet për efektet e këtij zakoni.

 “Pa telefona, pa email, pa mesazhe dhe asnjë rrjet social. Mos e prekni telefonin për një orë, një orë e gjysmë. Unë rekomandoj që ta bëni një javë dhe do ta vini re ndryshimin,” u shpreh ajo.