Pelegrinazhi vjetor mysliman i njohur si Haxhi do të fillojë në 18 korrik me Kurban Bajramin që festohet në 20 Korrik, sipas Gjykatës së Lartë të Arabisë Saudite.

Haxhi është një nga pesë detyrat e Islamit dhe një ndër obligimet që kryhen një herë në jetë për të gjithë myslimanët , që janë të aftë për ta kryer pelegrinazhin.

Para pandemisë, rreth 2.5 milionë pelegrinë zbrisnin në Mekë për Haxhin pesë-ditor.

Për shkak të pandemisë së koronavirusit, asnjë pelegrin i huaj nuk do të lejohet të kryejë Haxhin edhe këtë vit,pasi Arabia Saudite e  kufizoi pelegrinazhin vjetor, duke lejuar të marrin pjesë maksimumi 60,000 qytetarë të vaksinuar midis moshës 18 dhe 65 vjeç.

Në vitin 2020, vetëm 10,000 qytetarë dhe banorë sauditë u lejuan të kryejnë pelegrinazhin vjetor.

Haxhi fillon më 18 korrik

Haxhi  përkon me datën 8 të Dhul al-Hixhah, muaji i dymbëdhjetë dhe i fundit në kalendarin hënor islamik, i cili zhvendoset 10-12 ditë më herët çdo vit. Kjo do të thotë që hera tjetër që Haxhi do të fillojë pas 18 korrikut do të jetë në vitin 2054, pra pas 33 vitesh.

Bajrami fillon më 20 korrik

Kurban Bajrami ose Festa e Kurbanit, festohet në ditën e tretë të Haxhit dhe zgjat për tre ditë. Këtë vit myslimanët në të gjithë botën do të festojnë Bajramin në 20-22 korrik. Kurban Bajrami është festa e dytë e madhe myslimane pas festës se  Bajramit, e cila shënon fundin e Ramazanit, muajit të agjërimit./aljazeira