Duke u rikthyer nga një vit i mbushur me rroba shtëpie, këtë vjeshtë do takojmë miq të vjetër (xhinset), e të rinj si palltot e ashpra te leopardit, dantellat luksoze, dhe tonet blush.

Tendencat më në fund kanë filluar të kthehen në normalitet, dhe ndoshta më në fund do kemi javë mode fizike. Vjeshta vjen me jelekë novatorë, si ato të Phillip Lim, Staud dhe versioni oversize nga Apiece Apart.

Këtë sezon stilistët kanë rikthyer një prej materialeve më të vjetër të veshjes, xhinsin. Që nga kostumi xhins Kanadez me çizme gjithashtu xhins, e deri tek kombinimet casual me jelek e atlete.

Kostumet këtë vjeshtë sugjerohen të jenë satin ose mëndafsh. Në nuancat e rozës së lehtë, bezh? dhe krem. Që nga Fendi, Nanushka deri tek fustanet “baby doll” nga Self Portrait.

Tyli dhe dantella janë përdorur si aksesorë më shumë se sa si bazë më vete në krejt veshjen. Ose si këmisha mbi fustane, të cilat lejojnë tejdukshmërinë.

Materialet e trikotuara (ose me shtiza), kanë marrë vëmendje të veçantë pas vitit të pandemisë. Pamë kanotiere dhe tuta të shkurtra, punuar me shtiza deri tek shallet e mëdha.

Thekë-dashësit do kenë një sezon tjetër të mbushur me dizajne xhufkash, pom-pom dhe thekësh. Që nga Nanushka, Proenza Schouler e deri tek Salvatore Ferragamo. Kombinohen bukur me pantallonat laps, flared ose ato “biker”.