Eksperti i shëndetit publik Erion Dasho ka lëshuar thumba ndaj konspiracionistëve që dalin kundër vaksinës.

Me anë të një postimi në rrjete sociale, Dasho, shkruan se në një kohë që shqiptarët kanë një kryeministër që i tall dhe i përçmon, shqetësimi më i madh se mos duan të fusin ndonjë çip tek vaksinat.

“Shqiptarët kanë një kryeministër që i tall dhe përçmon, i ka shitur tek oligarkët dhe PPP-të , i bleu dhe vodhi edhe votën para pak muajsh,  u emëroi një qeveri kukullash dhe arlekinësh jo më larg se pardje,  ka blerë çdo media dhe u bën lavazh truri nga mëngjesi në mbrëmje, ka akaparuar çdo liri dhe të drejtë më përjashtim të lirisë për të folur e shkuar në median sociale.

Por, sërish shqetësimin më të madh kanë: mos duan të na futin ndonjë çip me këto vaksinat e Covidit që ta kenë të lehtë të na kontrollojnë”, shkruan Dasho.