Shqiptari Eklent Kaçi triumfoi në Kampionatin Botëror të bilardos me 10 bila, të zhvilluar për disa ditë në Las Vegas. 22-vjeçari u shpall kampion në turneun me 64 lojtarë nga e gjithë bota. Ai mundi në finale japonezin Naoyuki Oi me rezultatin 10 – 6.

Një paraqitje mbresëlënëse e tij në këtë aktivitet të rëndësishëm që i solli edhe një shpërblim prej 100 mijë dollarësh për suksesin e arritur.

Eklent Kaçi është shpallur Kampion i Botës në bilardo me 9 bila në vitin 2018 në turneun e zhvilluar në Doha, pa harruar shumë aktivitete të tjera ndërkombëtare.