Lajmi për makinën e re luksoze të kryeministrit Edi Rama ka qenë një nga diskutimet e ditës. Në media u përfol se automjeti i tipit “GMC Custom Luxury Vehicle” kapte vlerën e 500 mijë dollarëve.

Për këtë lajm ka ardhur edhe reagimi zyrtar nga kryeministria. Kjo e fundit i ka kthyer përgjigje gazetares Esiona Konomi, e cila kërkoi publikisht një sqarim.  

Qeveria thotë se automjeti është në pronësi të një subjekti privat me të cilin PS ka një kontratë qeraje. Sipas qeverisë, makina nuk ka elemente shtesë të sigurisë, por është marrë pasi automjeti i mëparshëm tip “Lincoln” i kryeministrit ishte vjetëruar.

Gjithashtu ka shtuar se Rama nuk ka blerë automjet të ri me paratë e buxhetit të shtetit, që nga marrja e detyrës.

“Automjeti në fjalë është në pronësi të një subjekti privat, me aktivitet tregtar të regjistruar, sipas ligjeve ne fuqi. Partia Socialiste ka një kontratë qeraje me subjektin, i cili ushtron prej më shumëse 5 vitesh aktivitet në fushen e shitjes dhe dhënies me qera të automjeteve. Automjeti nuk ka elemente të vecanta sigurie.

Ai është marrë pasi automjeti i mëparshëm ne perdorim te Kryetarit te PS, nuk plotesonte me standardet e levizjes per shkak te amortizimit si pasoje e vjetersise dhe numrit te madh te kilometrave te kryer. Me kete rast theksojme se kryeministri nuk ka blere nje automjet te ri me fondet e buxhetit te shtetit, qysh nga ardhja e tij ne detyrë”, thuhet në reagimin e qeverisë.

https://www.facebook.com/konomi.esiona/posts/6050874328319401