Aktorja e njohur Angelina Jolie dhe këngëtari The Weeknd kanë rindezur sërish thashethemet se mes tyre po ndodh një romancë.

Thashethemet se dyshja po shoqërohen bashkë kanë nisur dy muaj më parë kur ata u panë dhe për herë të parë sëbashku, nën shoqërinë e njëri-tjetrit.

Dy ditë më parë, ata të dy janë fotografuar sërish në Santa Monica, në një restorant italian. Thuhet se yjet mbërritën veçmas dhe kaluan dy orë e gjysmë brenda një pjese private. Por edhe pse mbërritën të ndarë, dyshja u largua së bashku nga restoranti.

Ende nuk dihen arsyet apo rrethanat që i bënë bashkë aktoren dhe këngëtarin, por duke qenë se të dy janë beqarë, mediat kanë ngritur spekulimet se bëhet fjalë për një romancë mes tyre.