Duket disi e habitshme por një prej elementëve që ndikon më së shumti në përmirësimin e shëndetit të flokëve, është birra.
Po, e vërtetë. Birra.
Larja e flokëve me birrë do t’i bëjë ata më të butë e më të shëndetshëm, duke u falur edhe një shkëlqim të natyrshëm. Birra është e pasur me shumë proteina, të cilat ndihmojnë në forcimin e rrënjës së flokëve dhe në rritjen e tyre.

Këto janë hapat që duhet të ndiqni :

• Hidheni birrën në një enë, sepse, nëqoftëse do ta përdorni atë çdo ditë, është më mirë që ajo të mos mbetet brenda në shishe.

• Birra nuk duhet të ketë gaz, është mirë ta hapni atë disa orë para se ta përdorni.

• Para se të aplikoni birrën, lani flokët si zakonisht, në mënyrë që të hiqen të gjitha papastërtitë nga flokët që të mos ndikojnë në efektin e birrës.

• Pas aplikimit të saj, ju mund të përdorni një balsam, në mënyrë që flokët të mbeten të butë dhe aroma e birrës të zhduket.

Ju gjithashtu mund të përzieni birrën me produkte të tjera për të rritur përfitimet e saj.
-Birra me një maskë flokësh – Kjo përzierje do të ketë të njëjtin efekt si një xhel ose një llak flokësh. Aplikojeni në flokët tuaj dhe i krihni normalisht. Sapo të thahen do të mbeten të fiksuara si ju dëshironi.

-Birra si një shampo normale – Ashtu si me të gjitha produktet e tjera, e vetmja gjë që ju duhet të bëni është të përzieni birrën me shampon që ju përdorni rregullisht, në mënyrë që flokët tuaj të mbesin të ndritshëm dhe voluminozë. Ju mund të shtoni në këtë përzierje pak vaj ulliri dhe pak esencë rozmarine.

-Birra dhe uthulla – Kjo përzierje është ideale për flokë të dëmtuar dhe të shpurpurisur. Përzieni një litër birrë dhe një gjysmë gotë me uthull molle, e aplikoni atë në flokë dhe e lini të veprojë 5 minuta. I masazhoni vazhdimisht, por mos i lani. Thajini me një peshqir dhe pastaj i krihni.

Me pak fjalë ju këshillojmë të përdorni këtë element për të pasur flokë më të shëndetshëm.