Zotimi i Berishës nga Shkodra: Lumenjtë e gënjeshtrave të Edi Ramës do ti shkrijmë si brymën para diellit

Duke akuzuar kryeministrin Rama se ka shkatërruar sistemin e zgjedhjeve dhe vrarë shpresën e shqiptarëve, ish-kryeministri Sali Berisha kishte një zotim për demokratët.

Berisha: Lumenjtë e gënjeshtrave të Edi Ramës do ti shkrijmë si brymën para diellit, do të ngjallim shpresë në çdo zemër dhe vatër shqiptare.

Berisha u zbuloi simpatizantëve të PD-së edhe formulën për të sjellë PD në pushtet.

Berisha: Kjo kërkon nga të gjithë ne që jemi këtu ti thotë vetes çdo ditë: Të ndryshojmë, të ndryshojmë, të ndryshojmë. Fillimi ynë i ri është rruga drejt fitores.

Nuk harroi të përcjellë dhe mesazhe bashkimi, në kushtet kur PD është në një përplasje mes liderit historik dhe kryetarit aktual.

Berisha: Ne duhet të bashkohemi dhe të mos pranojmë në asnjë mënyrë “të Berishës” dhe ” të Bashës”, jo, ne të gjithë jemi demokratë. Vota na bashkon.

Si hap të parë Berisha tha se kanë kthimin e votës së lirë në parti.

Berisha: Të kthemi vite më parë, kemi patur të meta dhe sherre, dobësi, por nuk kemi kontestuar asnjëherë votën.Ju kujtoj Kuvendin e partisë në 1998, në kulmin e krizës, partia e bërë copë-copë pothuajse. Votuam, i mbajtëm kameraty atyre, 30 orë është treguar çdo votë para kameras, cilido rrinte aty. Kjo traditë avulloi, nuk ekziston më vota.

Ai siguroi se nuk do të ketë primare si ato që bëri Basha që sipas tij ishin e kundërta e modelit të Britanisë së Madhe që implementuan.

Berisha: Do të rikthejmë zërin tuaj.Nuk do bëjmë primare, këto që bëri ishin pseudoprimare. Primare ishin ato që bëmë në 2000 për pushtetin vendor. I kundërt ishte modeli që ishte marrë nga Britania e Madhe, nuk ishte modeli me elemenim negativ. Do të kthejmë standardet, do forcojmë PD duke i kthyer votën e  lirë. Ne jemi parti vlerash, vlerat tona janë besimi te Zoti, familja, Atdheu, prona, liritë dhe të drejtat e individit. U shuan këto të gjitha. Të përndjekurit politik kanë qenë fibra e mbijetesës së PD. Në ’97 ishin ata që qëndruan të pamposhtur, pronarët gjthashtu. E keni dëgjuar ish-kryetarin të flasë për ta? Absolurtisht jo. Duhet ti rikthehemi profilit tonë si konservator, vlerave të djathta.

Pas Shkodrës, foltorja e Berishës do të zhvendoset në Gjirokastër. Ora mbetet e njëjtë, 18:00, por ditën mbetet për ta mësuar nga vetë ai në faqen e tij në facebook.