Rinia lakmohet shumë në shoqërinë tonë. Edhe kur mbushim 30 vjeç na kap paniku për rrudhat dhe plakjen dhe fiksohemi pas lëkurës, duke kërkuar gjithnjë e më shumë trajtime për tu dukur më të rinj.

Në aktrim dhe muzikë, shumica e yjeve arrijnë kulmin e karrierës me rolet kryesore kryesisht në të 20-tat ndërsa në fusha të tjera, si modelimi dhe sporti, kulmi arrihet në një moshë edhe më më të re.

Por, a është kjo mosha kur njeriu ndihet më i lumtur? Jo!

Nuk është përgjigje kategorike për të gjithë, por shumica e njerëzve nuk mbajnë mend shumë episode nga adoleshenca dhe nuk i referohen si moshës kur janë ndjerë më të lumtur se në vitet e tjera. Rezulton se mosha ku shumica ndihen më të lumtur dhe mbajnë mend çdo episod pozitiv të jetës është në të 30-tat.

Studimi i publikuar në revistën Social Indicators Research të botuar këtë javë, iu referua dhe u përqendrua në përvojat retrospektive të jetës së personave aktualisht mbi 50 vjeç. Njerëzit 50 vjeç e lart nga 13 vende të ndryshme europiane u pyetën se nëse do ktheheshin pas në kohë, cila ishte mosha kur keni ndjerë më shumë lumturi?

Të dhënat treguan se nivelet e lumturisë lidheshin me fëmijërinë, por jo me memorien mbi momente të caktuar, ndërsa mosha 30, 34 vjeç lidhet me lumturinë konkrete, si për vendimmarrjet, jetesën, aspekte personale dhe sociale.

Autorja e studimit, Begona Vlvarez thotë se arsyeja për këtë ndoshta ka të bëjë me ngjarjet e jetës të zakonshme në këtë fazë të jetës.

“Periudhat e bashkëjetesës me një partner dhe periudhat me fëmijët që vijnë në jetë lidhen ndjeshëm me një probabilitet më të lartë për të jetuar periudhën më të lumtur të jetës sesa periudhat pa bashkëjetesë dhe periudhat pa fëmijë, respektivisht.”

Në thelb, edhe pse blerja apo investimi për një shtëpie për veten dhe krijimi i një familje (nëse kjo është ajo që dëshironi të bëni) janë stresuese për vetë kohën kur e jeton, ato mbahen mend si ngjarje të lumtura në jetën e mëvonshme.

Përveç kësaj, studimi zbuloi se kohët që ne kemi më shumë gjasa të ndihemi të pakënaqur janë ose nga mosha 10 deri në 14 vjeç ose nga 70 e tutje.

*Artikulli i Metro