Aktori i humorit Florjan Binaj ka reaguar për protestën që do të mbahet pasditen e sotme përpara Kryeministrisë, për rritjen e çmimeve.

Përmes një postimi në rrjetet sociale, aktori i ka bërë thirrje opozitës që asnjëri prej tyre të mos jetë i pranishëm, pasi kjo është një protestë qytetare dhe jo politike. Binaj ka theksuar se as patronazhistët nuk do të lejohen.

Më tej aktori ka theksuar se rritja e çmimeve dhe gjendja e sotme, është faj edhe i opozitës.

“Une do jem sot ne protesten kunder rritjes se cmimeve me qytetarë e qytetare qe duan t’i bashkohen. Asnje anetar i opozites nuk eshte i ftuar dhe te mos beje gafe njeri te vije sepse ne kete pike jemi edhe prej tyre! Kjo eshte proteste qytetare jo politike apo partiake. As patronazhistet nuk lejohen!”, shkruan ai.

Kujtojmë se ditën e sotme, në orën 17:00 është lajmëruar për protestë nga shoqëria civile përpara godinës së Kryeministrisë kundër rritjes së çmimeve të bukës, kafes, dritave dhe karburantit.