Berisha: PD nuk është e dënuar të rrijë në opozitë, peng-kryetarin e ka marrë nën patronazh qeveria

Nga Gjirokastra, ku po mbahet “Foltorja” për një PD të bashkuar dhe më të fortë, ish-kryeministri Berisha u shpreh se PD-ja nuk është e dënuar të rrijë në opozitë.

Ai tha se janë më dhjetra-mijëra anëtarë të PD-së që janë të harruar, prandaj ai i ftoi gjithë delegatët e kuvendit kombëtar të Gjirokastrës që të firmosin për mbledhjen e kuvendit.

Berisha: Do të ndryshojmë ne, sepse duhet të fitojmë. Nuk jemi të dënuar të rrimë në opozitë. Kemi të gjitha potencialet që të kthehemi në pushtet dhe ta zhvillojmë Shqipërinë. Unë ju them ju se ata të cilët u shkëputen nga PD-ja, ata i rikthyen dhe kontribuuan në mënyrë cilësore. Unë kam bashkëpunuar me ta në pas një dallim.

Ne jemi njerëz të vlerave dhe kush kthehet mirë bën. Janë më dhjetra-mijëra anëtarë tanët që janë të harruar. Unë ftoj të gjithë delegatët e kuvendit kombëtar të Gjirokastrës që të firmosin për mbledhjen e kuvendit. Të votoni si të doni, por firma juaj është ndërgjegjja juaj për një PD që respekton votën e lirë. Peng-kryetarin e ka marrë nën patronazh qeveria. Ka të tjerë mercenarë që përpiqen që tu mbushin mendjen shqiptarëve, se nuk kaq rëndësi vota.