Ndoshta juve ende nuk ju besohet, por aktorja e njohur për rolin e Nihalit në serialin “Dashuri e ndaluar”, nuk është më një adoleshente e drojtur ashtu siç na u duk të gjithëve në serialin e 10 viteve më parë. Tashmë, një nënë e një djali të bukur, Fikret Ali, dhe bashkëshorte e lumtur e Ali Atay, aktorja Hazal Kaya e ka jetuar këtë periudhë të jetës në qetësi të plotë dhe jashtë vëmendjes mediatike të ekranit dhe sheshit të xhirimeve.

Megjithatë, pas një kohe të gjatë shkëputjeje, ‘Nihal’ do të rikthehet sërish në ekran me serialin “E pamundur”, që pritet të nisë transmetimin së shpejti.

Prej disa muajsh tashmë, Hazal është riktheyer në xhirime, por kjo kohë ka qenë jo e mirë për të, pasi i është dashur të jetë për shumë orë larg të birit.

Por ishte kjo ditëlindje që i mblodhi edhe një herë të gjithë familjarët dhe miqtë e ngushtë të çiftit të njohur për të festuar. Hazal, pak ditë më parë, ka fikur 31 qirinjtë e tortës duke lënë pas në këtë mënyrë edhe një vit tjetër të lumtur të jetës së saj.

Së bashku me bashkëshortin, Ali Atay, dhe miqtë më të ngushtë, Hazal u bë pjesë e një feste unike, protagoniste e së cilës ishte ajo vetë.

Në një bisedë me gazetarët para festës, bashkëshorti i Hazal u shpreh i keqardhur për kohën që të dyve u është dashur ta kalojnë larg të birit, Fikret Ali.