Radar
Topalli: Shumë shpejt do t’i bashkohem ‘Foltores’ së Berishës
Ish kryetarja e parlamentit, Jozefina Topalli ka deklaruar se shumë shpejt do t’i bashkohet ‘Foltores’ së ish kryeministrit Sali Berisha.
Në një intervistë për Ora News, Topalli thotë se reagimi i Berishës është i vonuar, çka sipas saj ka sjellë kosto të mëdha për PD, megjithatë shton se kjo lëvizje është shpresëdhënëse.
“Shumë shpejt do të bashkohem. Mos më pyet ditën por unë aty jam. Nuk mund të jem tjetërkund përveçse aty”, tha Topalli.
“Lëvizja është shumë e vonuar, kjo vonesë ka një kosto të madhe për Shqipërinë, jo vetëm për opozitën dhe PD. Por kur njeriu kërkon ndjesë, ndjesa nuk është dobësi, është forcë, është fuqi. Pas kësaj ndjese dhe kësaj lëvizje që ai ka krijuar është vërtetë diçka shumë shpresëdhënëse jo thjesht për demokratët, është shpresëdhënëse sepse duke larguar Lulzim Bashën do të largojnë Edi Ramën. Kjo është thelbësore për të hapur një faqe të re”.
