Mix
Seriali “Squid Game” sjell fitime marramendëse për Netflix
![Squid Game: What is the Korean drama series set to become Netflix's biggest show ever? | Euronews](https://static.euronews.com/articles/stories/06/11/31/10/1000x563_cmsv2_321b4f12-13f7-5c5c-96ad-e2e4e68b5c37-6113110.jpg)
Seriali më i ndjekur ndonjëherë në Netflix, Squid Game vlerësohet të kapë vlerën e 900 milionë dollarëve.
Seriali me nëntë episode, në të cilin konkurrentët luajnë lojëra me pasoja vdekjeprurëse për të fituar miliona dollarë, u bë një hit ndërkombëtar kur filloi muajin e kaluar.
Seriali i cili kushtoi vetëm rreth 29 milionë dollar, i ka bërë njerëzit të shpenzojnë më shumë se 1.4 miliardë orë duke parë dramën. Sipas shifrave rreth 132 milionë njerëz panë të paktën dy minuta nga seriali në 23 ditët e para të saj.
Netflix vlerëson se 89 përqind e atyre që filluan Squid Game panë më shumë se një episod, ndërsa 66 përqind, ose 87 milionë shikues e ndoqën të gjithë serialin në 23 ditët e para. Aksionet në Netflix janë rritur në vlerë me gati shtatë përqind që nga debutimi i serialit në 17 Shtator.