Madonna rikrijoi skenën e vdekjes së Marilyn Monroe në 1962, për një sesion të ri fotografik, i cili u cilësua si i rëndë dhe i papërshtatshëm.

“Për disa arsye të frikshme, Madonna vendos të rikrijojë shtratin e vdekjes së Marilyn Monroe,” shkroi një nga shumë kritikët që e kundërshtuan këtë vendim, ndërsa një tjetër u përgjigj: “E pahijshme dhe e papërshtatshme.”

Në foton e saj të re të kopertinës së revistës V, 63-vjeçarja risjellë ikonën bionde, në foto të shkrepura nga fotografi Steven Klein.

Fotografi Klein pretendon se ky set fotografik ka të bëjë më pak me Marilyn-in dhe më shumë për aftësinë e saj për të emocionuar përmes lenteve, gjë që ai po përpiqej të kapte.

Fotosesioni i fundit i Monroe erdhi vetëm gjashtë javë para vdekjes së saj të parakohshme, në moshën 36-vjeçare.

Monroe u gjet e vdekur në shtëpinë e saj dhe thuhet se kishte kaluar në gjendje mbidoze me pilula.

 
Një kritikues në Twitter, kundërshtoi përhapjen e fotove, duke shtuar: “Më jep trishtim që ende ka nevojë për kaq shumë vëmendje. Dhe kjo është kaq e rëndë.”

Fotografi Klein shtoi: “Ne nuk ishim të interesuar të rikrijonim imazhet saktësisht, por më e rëndësishmja është se ne donim të eksploronim marrëdhënien midis fotografit dhe subjektit.”