Pothuajse katër muaj pasi Adele dhe Rich Paul dolën në publik me romancën e tyre, të dy kanë ndërmarrë hapin tjetër të madh në marrëdhënien e tyre: fluturimin për në shtëpinë e Adelës në Mbretërinë e Bashkuar së bashku si çift.

Më 3 nëntor, ata u panë teksa shijonin një darkë së bashku në Londër. Këngëtarja kishte veshur një xhaketë të zezë të shoqëruar me pantallona të gjera ngjyrë të errët, ndërsa gjysma tjetër e saj kishte veshur një xhaketë ngjyrë ndryshku dhe pantallona të zeza. 

Dalja e fundit e muzikantes dhe agjentit sportiv së bashku dëshmon edhe më tej se gjërat mes të dyve po shkojnë mjaft mirë. Një burim ekskluzivisht për E! Neës në shtator tha, “Adele është shumë e dashuruar me Rich”, duke shtuar, “Marrëdhënia e tyre është bërë më serioze në muajt e fundit”.

Aq shumë, saqë tashmë ata kanë takuar edhe famijët e njëri tjetrit, “Ata të dy kanë takuar fëmijët e njëri-tjetrit, por e kanë mbajtur të qetë rreth tyre”, shpjegoi burimi i brendshëm.,“Ata të dy qëndrojnë në vendet e njëri-tjetrit në LA dhe janë shumë të pandashëm”.

Adele është nëna e djalit 8-vjeçar, Angelo, babai i të cilit është Simon Konecki. Sipas ‘Neë Yorker’, Rich është baba i tre fëmijëve.