Anemia është mungesë gjaku, respektivisht numri i vogel i rruzave të kuqe. Zakonisht shkaku i anemisë është mungesa e hekurit në organizëm.

Hekuri është element me rëndësi në formimin e hemoglobinës.

A paraqitet anemia cdo herë në shtatëzani?

Anemia nuk paraqitet në cdo shtatëzani, por shpesh haset në gratë shtatëzëna kështu që mund të  themi që 20 % e shtatëzënave kanë aneminë. Vjen deri te anemia për shkak se fetusit për ndërtimin e qelizave dhe hemoglobines i nevojitet hekuri, të cilin e merr nga nëna.

Shtatzënat zakonisht bëhen anemike në tremujorin e dytë të shtatzanisë, sepse atëherë rritet nevoja e foshnjes për hekur.

Sa është e rrezikshme anemia në shtatëzani?

Anemia e lehte nuk e rrit rrezikun për lindje të parakohshme, sepse natyra ka krijuar shumë mënyra se si ta mbrojë foshnjen nga pasojat negative të anemisë. Nësë e zbuloni me kohë që jeni anemike dhe filloni me terapinë e përshkruar nga mjeku juaj për mungesë hekuri, atëherë nuk keni nevojë që të shqetsoheni.

Megjithatë, në disa raste, kur është fjala për anemi të rendë, mund të ketë edhe komplikime:

• Lindje e parakohshme;
• Ndalim zhvillimi i fetusit/foshnjes;
• Përkeqësim i gjendjes në humbjen e gjakut gjatë lindjes, ku vjen deri te transfuzioni i gjakut,
• Rrit mundësinë për infeksione gjatë lindjes.

Cilat janë simptomet e anemisë në shtatëzani?

• Dobësim, marramendje, lodhje, ndjenjë mungese ajri;
• Zbehje apo zverdhje e lëkures;
• Aritmi
• Dhimbje koke dhe harrese
• Mundim
• Dhembje afër abdomenit

Megjithatë, rrallëherë mund ta vleresoni veten që jeni anemike, sepse gjatë shtatzanisë këto simptome janë të evidentuara si shumë normale. Ndonjëherë shtatëzena nuk ka asnje simptom.

Për ketë arsye nësë dyshoni që jeni anemike atëherë duhet ti drejtoheni gjinekologut tuaj, i cili do t’ju udhëzojë për analiza të gjakut.

Si shërohet anemija në shtatëzani?

Nëse jeni anemike, atëherë mjeku sigurisht do t’ju përshkruaj preparate hekuri, të cilat duhet t’i konsumoni cdo ditë.

Hekurin duhet ta merrni me ushqim, sepse ashtu do ta parandalonit mundimin. Mos e konsumoni me qumësht, sepse kalciumi parandalon absorbimin e hekurit. Më së miri është ta konsumoni me ndonjë lëng portokalli apo lëng tjetër me vitamin C.

Gjithashtu, hekurin do të duhej ta merrni në kombinim me acidin folik.

Kam qenë anemike edhe para shtatëzanisë…

Shumë gra fillojnë shtatëzaninë me anemi. Arsyet mund të jene nga më të ndryshmet:

Mbajtja e  femijës, si pasoje e së cilës vjen deri te mungesa e vitaminave dhe mineraleve, dallimi në mes dy shtatëzanive më i shkurtër se dy vjet, menstruacione jo të rregullta

Nëse keni qenë edhe para shtatëzanise anemike, duhet t’i tregoni gjinekologut tuaj.

Krahas konsumimit të hekurit, do të duhej të konsumoni ushqime të ndryshme të cilat janë të pasura me hekur sic janë: spinaqi, brokoli, bizelet, fasulet, vezët, orizi, kumbullat e thata, lëng vishnje.

A egziston ndonjë paraqitje e anemisë në shtatëzani?

Për ta parandaluar paraqitjen e anemisë në shtatëzani, ndiqni keshillat në vazhdim:

• Konsumoni ushqim të pasur me hekur: vezë, pemë, fasule
• Konsumoni ushqim të pasur me acid folik : fasule, gjalp nga kikiriki, këpurdha, brokoli, shpargull
• Konsumoni ushqim të pasur me vitamin C: limon, portokall, perime të fresketa (të pa ziera) të cilat ndihmojnë në absorbimin e hekurit
• Konsumoni rregullisht preparatet prenatale me vitamina e minerale të cilat ju pershkruan mjeku
• Mos përdorni kafeinen ( kafe, caj) sepse e vështiresojnë absorbimin e hekurit.